روئٹرز کی 170 سالہ تاریخ میں پہلی خاتون مدیر اعلی
خبر رساں ادارہ روئٹرز دنیا بھر میں تقریباً 2 ہزار 450 صحافیوں کے عملے کے ساتھ خدمات سرانجام دے رہا ہے۔
بین الاقوامی خبر رساں ادارے ’روئٹرز‘ نے اپنی 170 سالہ تاریخ میں پہلی مرتبہ کسی خاتون کو ایڈیٹر ان چیف یا مدیر اعلی نامزد کیا ہے۔
برطانوی دارالحکومت لندن میں قائم خبر رساں ادارے ’روئٹرز‘ نے اپنے ادارے کی ممبر الیسینڈرا گیلونی کو پہلی خاتون مدیر اعلی نامزد کیا ہے۔ اس نامزدگی کا اعلان روئٹرز کے آفیشل ٹوئٹر اکاؤنٹ پر کیا گیا ہے۔
Reuters News has named one of its top editors, Alessandra Galloni, as its next editor-in-chief, the first woman to lead the globe-spanning news agency in its 170-year history https://t.co/ChnXoweLkS pic.twitter.com/xsDRvyCLmn
— Reuters (@Reuters) April 13, 2021
یہ بھی پڑھیے
امریکہ میں پاکستانی ٹیکسی ڈرائیور کے اہلخانہ کے لیے فنڈ قائم
روم کی رہائشی الیسینڈرا گیلونی ’روئٹرز‘ کے مدیر اعلی اسٹیفن جے ایڈلر کی جگہ لیں گی جو پچھلی دہائی سے نیوز روم کی قیادت کرنے کے بعد رواں ماہ ریٹائر ہو رہے ہیں۔ ان کی قیادت میں ’روئٹرز‘ کو صحافت کے کئی ایوارڈز ملے ہیں جن میں 7 پلٹزر انعامات اور اس صنعت کے دیگر اعلیٰ اعزازات شامل ہیں۔
4 زبانوں پر عبور رکھنے والی الیسینڈرا گیلونی کو امریکی جریدے وال اسٹریٹ جرنل میں سیاسی اور کاروباری خبروں کا بھی وسیع تجربہ حاصل ہے۔
خبر رساں ادارہ ’روئٹرز‘ دنیا بھر میں تقریباً 2 ہزار 450 صحافیوں کے عملے کے ساتھ خدمات سرانجام دے رہا ہے۔
