میئر لندن صادق خان کیا اگلے برطانوی وزیراعظم ہیں؟
صادق خان نے حکومتی جماعت کے شان بیلی کو شکست دے دی۔
پاکستانی نژاد برطانوی شہری صادق خان دوسری مرتبہ لندن کے میئر منتخب ہوگئے ہیں۔ سوال تو یہ ہے کہ ماضی میں 3 مرتبہ میئر رہنے والے برطانوی وزیر اعظم بورس جانسن کی طرح کیا صادق خان بھی مستقبل میں برطانوی وزیر اعظم بن سکتے ہیں؟
لندن کے بلدیاتی انتخابات میں لیبر پارٹی کے مسلمان امیدوار صادق خان کل 12 لاکھ 6 ہزار 34 ووٹ حاصل کرنے میں کامیاب ہوئے ہیں۔ ان کے حریف شان بیلی جن کا تعلق کنزرویٹیو جماعت سے ہے، انہیں 9 لاکھ 77 ہزار 601 ملے۔ صادق خان نے 55.2 فیصد جبکہ شان بیلی نے 44.8 فیصد ووٹ لیے ہیں۔
یہ بھی پڑھیے
کرونا کے سبب نیوزی لینڈ کی انڈیا پر برطانیہ کی پاکستان پر پابندی
صادق خان کو دوسری مرتبہ میئر لندن بننے کا اعزاز حاصل ہوا ہے جبکہ ان کے مدمقابل شان بیلی کا شمار بھی شہر کی معروف شخصیات میں ہوتا ہے۔
برطانیہ کے موجودہ وزیر اعظم بورس جانسن ماضی میں 3 مرتبہ لندن کے میئر رہ چکے ہیں۔ صادق خان بھی دوسری مرتبہ الیکشن جیت چکے ہیں اور ان کی بطور میئر شہریوں میں مقبولیت کو دیکھ کر لگتا ہے کہ وہ تیسری مرتبہ بھی یہ اعزاز اپنے نام کرلیں گے۔
یہاں یہ بات قابل ذکر ہے کہ صادق خان کی اس مرتبہ اکثریت بورس جانسن کی 2012 اور 2016 کی اکثریت سے بھی زیادہ ہے۔
Sadiq Khan’s majority this week was higher than Boris Johnson’s majorities in 2012 and 2016 COMBINED!
Stop pretending it was a close result! #SadiqKhan #MayorOfLondon pic.twitter.com/DsE5PVhILO
— Political Motivation (🏡) (@Margin4Error) May 9, 2021
تین مرتبہ میئر کی کرسی پر براجمان ہونے کے بعد بورس جانسن تو برطانیہ کے وزیراعظم بن گئے لیکن کیا یہی خوش قسمتی صادق خان کے قدم بھی چومے گی؟ اس پر ایک سوالیہ نشان ہے۔
