خواتین آرٹ اور میڈیا کے شعبوں میں بھی آگے
فرانس میں قائم دنیا کے سب سے بڑے میوزیم ’لوور‘ میں پہلی مرتبہ کسی خاتون کو سربراہ مقرر کیا گیا ہے۔ جبکہ بی بی سی نے بھی خاتون کو انٹرنیشنل سروسز کا سینیئر کنٹرولر تعینات کردیا ہے۔
آرٹ اور میڈیا کے شعبوں میں بھی خواتین اپنا لوہا منوارہی ہیں۔ فرانس میں قائم دنیا کے سب سے بڑے میوزیم ’لوور‘ میں پہلی مرتبہ کسی خاتون کو سربراہ مقرر کیا گیا ہے۔ جبکہ برطانوی نشریاتی ادارے بی بی سی نے بھی خاتون کو انٹرنیشنل سروسز کا سینیئر کنٹرولر تعینات کردیا ہے۔
آرٹ کے ذریعے معاشرتی مسائل کو فروغ دینے کے لیے مشہور خاتون لارنس ڈیس کارس کو فرانس کے ’لوور‘ میوزیم کا سربراہ مقرر کیا گیا ہے۔ 54 سالہ لارنس ڈیس کارس کو بدھ کے روز فرانسیسی صدر ایمانوئل میکرون نے میوزیم کا سربراہ مقرر کیا ہے۔
لارنس ڈیس کارس مصوری کی ماہر ہیں اور فرانس کے مصنفین کے ایک عظیم خاندان سے تعلق رکھتی ہیں۔ وہ جلد ہی اس میوزیم کی ذمہ داری سنبھال لیں گی۔
Great news from Paris: Laurence des Cars, president of @MuseeOrsay, will be the first woman to lead the @MuseeLouvre in its history. She has close ties to the US and already made an impressive statement on the social role of the #Louvre in French media this morning. pic.twitter.com/VXB6CAq51j
— Gaëtan Bruel (@gaetanbruel) May 26, 2021
یہ بھی پڑھیے
اقوام متحدہ کی انسانی حقوق کونسل کا غزہ تنازعے کی تحقیقات کا حکم
اس قدیم میوزیم کا آغاز 288 سال قبل ہوا تھا۔ کرونا کی وباء نے بین الاقوامی سیاحت کو شدید نقصان پہنچایا ہے۔ وباء کی زد میں آنے سے قبل ’لوور‘ میوزیم میں سالانہ تقریباً ایک کروڑ سیاح آتے تھے۔
دوسری جانب برطانوی نشریاتی ادارے بی بی سی نے لی لیان لینڈور کو انٹرنیشنل سروس کا سینیئر کنٹرولر مقرر کردیا ہے۔ لی لیان لینڈور چینل 24 نیوز سے بی بی سی میں شامل ہوئی ہیں جہاں وہ بین الاقوامی خبروں کی سربراہ تھیں۔
بی بی سی کی جانب سے ٹوئٹ میں بتایا گیا ہے کہ لی لیان لینڈور بی بی سی ورلڈ سروس کی ڈائریکٹر ہوں گی۔
Delighted to announce that Liliane Landor @lilo11 has been appointed as Senior Controller of BBC News International Services, overseeing the corporation’s global news strategy. In this role she will be the Director of @bbcworldservice.
Read: https://t.co/Xdw4zEVCD2 pic.twitter.com/Mo9u6I9BDP
— BBC News Press Team (@BBCNewsPR) May 27, 2021
لی لیان لینڈور کو 5 زبانوں پر عبور حاصل ہے۔ وہ ریڈیو، ٹی وی اور ڈجیٹل میڈیا پر انگریزی سمیت دیگر زبانوں میں کام کرتی رہی ہیں۔ تاہم انہوں نے بی بی سی میں کام کرنے پر خوشی کا اظہار کیا ہے۔
