القاعدہ برصغیر کے سربراہ اسامہ محمود سمیت 4افراد عالمی دہشت گرد قرار

امریکا نے کالعدم القاعدہ برصغیر  کے امیر اسامہ محمود   سمیت کالعدم القاعدہ برصغیر اور کالعدم تحریک طالبان پاکستان کے4 رہنماؤں کو عالمی دہشتگرد قرار دے دیا۔

امریکی محکمہ خارجہ کی جانب سے جاری کردہ بیان کے مطابق کالعدم القاعدہ برصغیر کے امیر اسامہ محمود اور نائب امیر عاطف یحیٰ کو دہشت گرد قرار دیا گیا ہے۔

یہ بھی پڑھیے

کوئٹہ میں پولیس وین کے قریب دھماکہ، 1اہلکار سمیت تین افراد جاں بحق ، 28 افراد زخمی

وزیرستان میں پاک فوج اور دہشتگردوں میں جھڑپ، دہشتگرد کمانڈر ہلاک، حوالدار شہید

امریکا نے کالعدم القاعدہ برصغیر  میں  بھرتیوں کے نگران  محمد معروف کو بھی دہشتگرد قرار دیا ہے۔امریکی وزارت خارجہ نے کالعدم تحریک طالبان پاکستان کے قاری امجد کو بھی دہشتگرد قرار دیا ہے، قاری امجد خیبرپختونخوا میں آپریشنز اور عسکریت پسندوں کا سرغنہ ہے۔

امریکی وزیر خارجہ انٹونی بلنکن نے کہا ہے کہ امریکا افغانستان میں سرگرم دہشت گرد گروپوں کی طرف سے لاحق خطرات کا مقابلہ کرنے کے لیے پُرعزم ہے۔انٹونی بلنکن کا کہنا تھا کہ اس بات کو یقینی بنانا ہوگا کہ افغانستان دہشتگردوں کی آماجگاہ نہ بنے۔