پنجاب بھر کے چڑیا گھروں میں 459 جانوروں کی اموات ریکارڈ
نیوز 360 کو موصول ہونے والی دستاویزات کے مطابق گزشتہ 5 برسوں میں مختلف چڑیا گھروں میں 1634 پرندے ہلاک ہوئے۔
سرکاری دستاویزات کے مطابق یکم جنوری 2016 سے اب تک پنجاب بھر کے چڑیا گھروں میں 459 جانوروں کی اموات ریکارڈ کی گئی ہیں۔
پنجاب بھر کے مختلف شہروں میں قائم چڑیا گھروں میں کتنے جانوروں اور پرندوں کی اموات ہوئی ہیں اس حوالے سے نیوز 360 نے مکمل تفصیلات حاصل کرلی ہیں۔
یہ بھی پڑھیے
ڈی پی او قصور کا شہید سپاہی اہلکار کے بچوں کو زبردست پروٹوکول
برطانوی انجینئرنگ کا شاہکار اٹک کا آہنی پل
نیوز 360 کو موصول ہونے والے سرکاری دستاویزات میں گزشتہ پانچ برسوں میں چڑیا گھروں میں سیکڑوں جانوروں اور پرندوں کی ہلاکت کا انکشاف ہوا ہے۔
سرکاری رپورٹ کے مطابق گزشتہ پانچ برسوں میں مختلف چڑیا گھروں میں 1634 پرندوں کی اموات ہوئی ہیں، جبکہ آٹھ چڑیا گھروں پانچ برسوں میں 37 رینگنے والے جانوروں کی اموات ہوئی ہیں۔
رپورٹ میں انکشاف ہوا ہے کہ لاہور کے سفاری پارک میں 187 جانور ، 787 پرندے اور 1 رینگنے والے جانور کی موت ہوئی ہے۔
سرکاری اعدادوشمار کے مطابق لاہور کے سفاری پارک میں کل 170 جانور ، 925 پرندے اور ایک رینگنے والا جانور ہے۔
سرکاری دستاویزات کے مطابق پنجاب کے آٹھ چڑیا گھروں میں کل 729 جانور ، 2476 پرندے اور 61 رینگنے والے جانور ہیں۔ لاہور اور بہاولپور کے علاوہ کسی چڑیا گھر میں کوئی رینگنے والا جانور نہیں ہے۔
