طلال چوہدری کی بلاول بھٹو کے بارے میں نازیبا گفتگو

مسلم لیگ (ن) کے مرکزی رہنما طلال چوہدری نے لاہور کے حلقہ این اے 133 کے ضمنی انتخاب کی سیاسی مہم کے دوران سابق صدر آصف علی زرداری اور چیئرمین پیپلزپارٹی بلاول بھٹو کے لیے نہایت نازیبا زبان استعمال کی۔

یہ طلال چوہدری صاحب ہیں ، مسلم لیگ ن کے مرکزی رہنما ، کچھ عرصہ پہلے تنظیم سازی کے دوران انہیں بھی بتی بنا دیا گیا تھا ۔ افسوس کی بات یہ ہے کہ یہ بازاری زبان گنبد خضری کے سامنے کھڑے ہو کر کی گئی۔ @MaryamNSharif @NawazSharifMNS @pmln_org @betterpakistan @BBhuttoZardari pic.twitter.com/eNEVC7bhj4

— Sabookh Syed | سبوخ سید (@SaboohSyed) December 5, 2021

طلال چوہدری اس سے قبل بھی کئی مواقعوں پر غیر محتاط گفتگو کر چکے ہیں لیکن اس بار تو انہوں نے حد ہی کر دی۔

طلال چوہدری کو یہ بھی یاد نہ رہا کہ کچھ دن پہلے جب ان کے قائد نواز شریف کی صاحبزادی کی آڈیو کلپس لیک ہوئیں تو صحافیوں نے آصف زرداری سے اس  متعلق بات کرنا چاہی اور زرداری صاحب نے یہ کہا کہ میری بیٹیوں جیسی ہے، اس کے متعلق کیا بات کروں۔

یہ بھی پڑھیے

اعلیٰ افسران کو بلیک میل کرنے والی خوبرو خاتون گرفتار، درجنوں نازیبا ویڈیوز برآمد

ایف آئی اے کی کارروائی، خواتین کی برہنہ ویڈیوز بنانے والا ڈاکٹر گرفتار

رہنما مسلم لیگ (ن) کا اپنا کردار یہ ہے کہ رات کے وقت ‘تنظیم سازی’ کے لیے اپنی ہی پارٹی کی رہنماؤں کے گھر پہنچ جاتے ہیں۔

اس سے قبل اعلیٰ عدلیہ کے خلاف بھی غیر محتاط ریمارکس دینے پر ان کی سرزنش ہو چکی ہے۔

طلال چوہدری کے بیان پر پیپلزپارٹی کے رہنما فیصل کریم کنڈی نے کہا کہ مسلم لیگ (ن) والے طلال چوہدری کی زبان کو لگام دیں، جیالے پارٹی قیادت کے خلاف کسی کو بھی غیر مہذب زبان برداشت نہیں کرنے دیں گے۔