شعیب ملک کا شاندار کیریئر کے اختتام پر ثانیہ مرزا کو خراج تحسین
آپ تمام خواتین کھلاڑیوں کے لیے انتہائی ناگزیرامید ہیں،آپ نے اپنے کیریئر میں جو کچھ حاصل کیا ہے اس پر آپ پر بہت فخر ہے، آپ بہت سے لوگوں کے لیے باعث تحرک ہیں، ثابت قدمی سے چلتی رہیں،ناقابل یقین کیریئر پر بہت بہت مبارک ہو،شعیب ملک: ثانیہ نے پوسٹ لائک کردی
پاکستان کرکٹ ٹیم کے سابق کپتان اور مایہ ناز آل راؤنڈر شعیب ملک نے اپنی اہلیہ اور بھارتی ٹینس اسٹار ثانیہ مرزا کو ان کے شاندار کیریئر کے اختتام پر زبردست خراج تحسین پیش کیا ہے۔
ثانیہ مرزا نے شعیب ملک کی انسٹاگرام پوسٹ کو لائک کرکے طلاق کی خبریں پھیلانے والے ٹرولز کو خاموش کرادیا۔
یہ بھی پڑھیے
بھارتی اسٹار ثانیہ مرزا نے نم آنکھوں کے ساتھ ٹینس کو خیرباد کہہ دیا
شعیب ملک کو بنگلادیش میں بیٹے کے ساتھ بیوی کی بھی یاد ستانے لگی؟
شعیب ملک نے اپنے انسٹاگرام اور ٹوئٹر ہینڈل پر اپنی اہلیہ کی آسٹریلین اوپن کے مکسڈ ڈبل فائنل کے موقع پر لی گئی تصویر شیئر کرتے ہوئے کیپشن میں انہیں زبردست خراج تحسین پیش کیا۔
View this post on Instagram
شعیب ملک نے لکھاکہ”آپ تمام خواتین کھلاڑیوں کے لیے انتہائی ناگزیرامید ہیں،آپ نے اپنے کیریئر میں جو کچھ حاصل کیا ہے اس پر آپ پر بہت فخر ہے، آپ بہت سے لوگوں کے لیے باعث تحرک ہیں، ثابت قدمی سے چلتی رہیں،ناقابل یقین کیریئر پر بہت بہت مبارک ہو“۔
– You are the much needed hope for all the women in sports. Super proud of you for all you have achieved in your career. You’re an inspiration for many, keep going strong. Many congratulations on an unbelievable career… pic.twitter.com/N6ziDeUGmV
— Shoaib Malik 🇵🇰 (@realshoaibmalik) January 27, 2023
یاد رہے کہ بھارتی ٹینس اسٹار نے گزشتہ روز آسٹریلین اوپن کے مکسڈ ڈبل فائنل میں شکست کے بعد ٹینس سے ریٹائرمنٹ کا اعلان کردیا تھا۔ثانیہ مرزا اور روہن بوپنا کی جوڑی کو برازیلین جوڑی نے 6-7اور 2-6 سے شکست دیدی تھی۔
“My professional career started in Melbourne… I couldn’t think of a better arena to finish my [Grand Slam] career at.”
We love you, Sania ❤️@MirzaSania • #AusOpen • #AO2023 pic.twitter.com/E0dNogh1d0
— #AusOpen (@AustralianOpen) January 27, 2023
بھارتی ٹینس اسٹار اختتامی تقریب سے گفتگو کے دوران ریٹائرمنٹ کااعلان کرتے جذبات سے مغلوب ہوکر رو پڑی تھیں۔ حیران کن طور پر ثانیہ مرزا کی زندگی کے اس یادگار لمحے کے موقع پر ان کی پوری فیملی میلبرن ایرینا میں موجود تھی تاہم ان کے شوہر شعیب ملک کہیں دکھائی نہیں دیے جبکہ ثانیہ مرزا نے بھی اختتامی کلمات میں اپنے والدین اور بیٹے کا تو تذکرہ کیا لیکن شعیب ملک کا نام تک نہیں لیا۔
سوشل میڈیا صارفین نے شعیب ملک کی غیرحاضری اور اہلیہ کی جانب سے اختتامی کلمات میں ان کا ذکر نہ کرنے کو ضرور محسوس کیا تاہم جوڑی کے مداحوں کیلیے اچھی خبریہ ہے کہ شعیب ملک کی انسٹاگرام پوسٹ کو ثانیہ مرزا نے لائک کردیا ہے۔
