اسٹاک ایکسچینج میں تیزی، ڈالر کے مقابلے میں روپیہ مزید مضبوط ہوگیا
پاکستان اسٹاک ایکسچینج کا 100 انڈیکس 39 پوائنٹس اضافے کے بعد 41 ہزار 118 پر بند ہوا ہے جبکہ انٹر بینک اور اوپن مارکیٹ میں ڈالر کی قیمت میں کمی آئی تاہم صرافہ بازار میں سونا مہنگا ہوگیا ہے
کاروباری ہفتے کے آخری روز پاکستان اسٹاک ایکسچینج میں مثبت رجحان رہا جبکہ کرنسی مارکیٹ ڈالر کے مقابلے میں روپیہ مضبوط ہوا جبکہ صرافہ بازار میں سونا مہنگا ہوگیا ہے ۔
پاکستان اسٹاک ایکسچینج میں رواں کاروباری ہفتے کے آخری روز تیزی کا رجحان رہا جبکہ کرنسی مارکیٹ میں روپے کی قدر میں اضافہ ہوا جبکہ سونے کی قیمت میں اضافہ ریکارڈ کی گئی ۔
یہ بھی پڑھیے
زرمبادلہ کے ذخائر میں 272 ملین ڈالر اضافہ: ڈالرز کہاں سے آئے؟
پاکستان اسٹاک ایکسچینج میں آج کو غیر معمولی سیشن دیکھنے میں آیا ۔ پی ایس ایکس کا 100 انڈیکس 39 پوائنٹس اضافے کے بعد 41 ہزار 118 پر بند ہوا ہے ۔
حصص بازار میں آج 317 کمپنیوں کے حصص کا کاروبار ہوا جن میں سے 133 کے بھاؤ میں اضافہ، 157 میں کمی جبکہ 27 کے بھاؤ میں کوئی تبدیلی نہیں ہوئی۔
دوسری جانب پاکستانی کرنسی روپے کی قدر میں اضافے سلسلہ آج بھی جاری رہا ۔ انٹر بینک میں ڈالر 1 روپے 56 پیسے جبکہ اوپن مارکیٹ میں ایک روپے کم ہوا ۔
اسٹیٹ بینک کے اعدادو شمار کے مطابق آج انٹر بینک میں روپے کی مقابلے میں ڈالر ایک روپے 56 پیسے سستا ہوا جس کے بعد ڈالر 262 روپے 82 پیسے کا ہوگیا ۔
Interbank closing #ExchangeRate for todayhttps://t.co/WajABWYmgW pic.twitter.com/JxQ7COQiHE
— SBP (@StateBank_Pak) February 17, 2023
فاریکس ایسوسی ایشن کے مطابق آج اوپن مارکیٹ میں بھی ڈالر کی قدر کم ہوئی ۔ ایک روپے کمی کے بعد ڈالر 267 روپے کی سطح پر آگیا ہے ۔
مقامی صرافہ مارکیٹوں میں جمعرات کو فی تولہ اور فی دس گرام سونے کی قیمتوں میں بالترتیب 3800روپے اور 3258 روپے کا اضافہ ہوا۔
صرافہ مارکیٹوں میں فی تولہ سونے کی قیمت بڑھ کر ایک لاکھ 96 ہزار اور فی دس گرام سونے کی قیمت اضافے کے ساتھ ایک لاکھ 68 ہزار 38 روپے کی سطح پر آگئی۔
