سندھ حکومت انتقام میں اندھی ہوگئی، خرم شیر زمان کا خالی کردہ ریسٹورنٹ گرادیا

سندھ حکومت سیاسی انتقام میں اندھی ہوگئی۔تحریک انصاف  کے رکن سندھ اسمبلی خرم شیر زمان کا ایک ریسٹورنٹ سیل کرنے کے بعد ان کا خالی کردہ ریسٹورنٹ مسمار کردیا۔

سندھ بلڈنگ کنٹرول اتھارٹی کی جانب سے شرف آباد میں گرایاگیا ریسٹورنٹ خرم شیر زمان کئی ماہ قبل خالی کرچکے تھے۔

یہ بھی پڑھیے

عمران اسماعیل پکڑ لیے گئے ، جے پرکاش چھوڑ گئے

لاہورہائیکورٹ نے پی ٹی آئی کے مستعفی ارکان قومی اسمبلی کی رکنیت بحال کردی

تحریک انصاف کے رکن سندھ اسمبلی خرم شیر زمان نے اپنے ٹوئٹ میں دعویٰ کیا کہ سندھ میں پیپلزپارٹی کی جانب سے سیاسی انتقام انتہا کو پہنچ گیا ہے، پہلے سندھ فوڈ کنٹرول اتھارٹی کے ذریعے میرے صدر کے ریسٹورنٹ کوسیل کیا گیا، پھر دوسری برانچ کو سندھ بلڈنگ کنٹرول اتھارٹی کے ذریعے گرا دیا گیا۔انہوں نے کہاکہ یہ بھی نہیں رہیں گے۔

Political victimisation at its peak in the province of Sindh by Pakistan Peoples Party. First they sealed my Saddar branch through Sindh Food Authority and now demolishing other one through Sindh Building Control Authority.

This too shall pass! pic.twitter.com/ea7dJiiQop

— Khurrum Sher Zaman 🇵🇰 (@KhurumSherZaman) May 18, 2023

تاہم پی ٹی آئی رہنما کے دعوے کے برخلاف کراچی کے سینئر فیض اللہ خان نے اپنے ٹوئٹ میں لکھا کہ سندھ حکومت نے رکن سندھ اسمبلی کا ریستوران سیل کیااوردوسرا غیرقانونی تعمیرات قرار دیکر گرادیا۔

سندھ حکومت نےخرم شیر زمان کاریستوران سیل کیااوردوسرا غیرقانونی تعمیرات قرار دیکر گرادیاریستوران توڑنےکے بعد پتہ چلاکہ خرم شیر زمان یہاں کرایہ دار تھے کوئی چھے ماہ قبل کنٹریکٹ ختم کرکے ریستوران چھوڑ دیا تھا سندھ حکومت کی پھرتی سے عام شہری کا نقصان ہوگیا وہ پی ٹی آئی سے بھی نہ تھا

— Faizullah Khan فیض (@FaizullahSwati) May 18, 2023

فیض اللہ خان نے دعویٰ کیا کہ ریستوران توڑنےکے بعد پتہ چلاکہ پی ٹی آئی رہنما یہاں کرایہ دار تھے کوئی6 ماہ قبل معاہدہ ختم کرکے ریستوران چھوڑ دیا تھا۔انہوں نے کہاکہ  سندھ حکومت کی پھرتی سے عام شہری کا نقصان ہوگیا  جس کا پی ٹی آئی سے تعلق بھی نہیں تھا۔