نفیسہ شاہ کا 9 مئی کے واقعات میں ملوث افراد کے خلاف قانون کے مطابق کارروائی کا مطالبہ

پاکستان پیپلز پارٹی کی رہنما نفیسہ شاہ نے کہا ہے کہ میں 9 مئی کے واقعات کی پُرزور مذمت کرتی ہوں ، اس روز جو کچھ ہوا وہ درست نہیں تھا مگر اس کے بعد جو کچھ ہورہا ہے وہ بھی ٹھیک نہیں ہورہا۔

سماجی رابطوں کی ویب سائٹ ٹوئٹر پر پیغام شیئر کرتے ہوئے لکھا ہے کہ "میں پی ٹی آئی کی طرف سے ریاستی عمارتوں اور املاک بالخصوص فوجی رہائش گاہوں، اثاثوں اور علامتوں کو آگ لگانے اور لوٹ مار کی شدید مذمت کرتا ہوں اور ملک کے قانون کے تحت سخت ترین سزا کا مطالبہ کرتی ہوں۔”

یہ بھی پڑھیے 

پی ٹی آئی کی بڑی وکٹ گرگئی، علی زیدی نے پارٹی اور سیاست چھوڑنے کا اعلان کردیا

عمران خان کے قریبی ساتھی گلوکار سلمان احمد نے 9 مئی کے واقعات کی مذمت کردی

حکومت کا احتیاط کا مشورہ دیتے ہوئے ڈاکٹر نفیسہ شاہ نے لکھا ہے کہ "میں حکومت سے بھی مطالبہ کرتی ہوں کہ وہ اس بات کو یقینی بنائے کہ مناسب عمل اور آئینی دفعات کو یقینی بنایا جائے۔”

I strongly condemn PTI led and inspired arson and plunder on state buildings and properties, particularly on military residences, assets and symbols, and demand strictest punishment under the law of the land. But I would also call upon the government to ensure that due process,…

— Nafisa Shah (@ShahNafisa) May 26, 2023

ڈاکٹر نفیسہ شاہ نے اپنے ٹوئٹ میں مطالبہ کیا ہے کہ "طاقت کے غیر متناسب استعمال خصوصاً میڈیا، سیاسی رہنماؤں ، خواتین اور نوجوانوں کے خلاف سیاسی انجیئرنگ سے بچا جائے۔”

پیپلز پارٹی کی  سینئر پارلیمنٹرین ڈاکٹر نفیسہ شاہ نے مزید لکھا ہے کہ "قانون کی حکمرانی کا تحفظ اور اسے برقرار رکھنا اتنا ہی ضروری ہے جتنا کہ ہمارے اداروں کا کھڑا رہنا ضروری ہے۔”