پی ٹی آئی ارکان کو بغاوت پر اکسانے پر پرویز خٹک کو شوکاز، سابق صوبائی صدر برہم

پاکستان تحریک انصاف نے سابق صوبائی صدر پرویز خٹک کو پارٹی ارکان کو بغاوت پر اکسانے کے  الزام میں اظہار وجوہ کا نوٹس جاری کردیا۔

 پرویز خٹک شوکاز نوٹس کے اجرا پر عمران خان کیخلاف پھٹ پڑے  اور   سخت ردعمل کا اظہار کیا ہے۔

یہ بھی پڑھیے

پرویز خٹک کی بلے اور تیر کے نشان پر مہر لگانے کی ویڈیو وائرل

پرویز خٹک نے وزیراعظم کی تقریر کے مندرجات پہلے ہی لیک کردیئے

پی ٹی آئی کے اعلامیے کے مطابق پرویز خٹک کے خلاف پارٹی سطح پر کارروائی کا آغاز کردیا گیا ہے اور مرکزی سیکریٹری جنرل عمر ایوب نے انہیں اظہارِ وجوہ کا نوٹس جاری کیا ہے۔

پرویز خٹک کی جانب سے تحریک انصاف کے اراکین کو جماعت سے علیحدگی کی ترغیب دلوانے کا معاملہ

پاکستان تحریک انصاف نے پرویز خٹک کیخلاف جماعتی سطح پر کارروائی کا آغاز کردیا

مرکزی سیکرٹری جنرل عمر ایوب کی جانب سے پرویز خٹک کو اظہارِ وجوہ کا نوٹس جاری

پرویز خٹک سے 7 روز میں جواب طلب… pic.twitter.com/Ls1hlVELo5

— PTI (@PTIofficial) June 21, 2023

اظہارِ وجوہ کے نوٹس میں کہا گیا ہے کہ آپ ارکان سے روابط قائم کرکے جماعت سے علیحدگی اختیار کرنے پر اکسا رہے ہیں لہٰذا 7 دن میں اس تاثر کے حوالے سے اپنا مفصل جواب داخل کریں۔

اعلامیے میں یہ بھی کہا گیا ہے کہ جواب تسلی بخش نہ ہونے یا نوٹس کے جواب سے گریز پر کارروائی آگے بڑھائی جائے گی۔خیال رہے کہ گزشتہ دنوں سابق وزیر دفاع پرویز خٹک نے پریس کانفرنس کرتے ہوئے خیبر پختونخوا کی صدارت چھوڑنے کا اعلان کیا تھا۔

 تحریک انصاف کی جانب سے اظہار وجوہ کے نوٹس پر پرویز خٹک نے سخت ردعمل کا اظہار کیا ہے۔انہوں نے کہاکہ عمران خان مجھے شوکاز نوٹس کا شوق پورا کرلیں ، لیکن مجھے آنکھیں دکھائے عمران نیازی کی اتنی حیثیت نہیں ،میں جب سیاست میں آیا عمران نیازی کرکٹ کھیلتا تھا،سیاست بچوں کا کھیل نہیں۔

🛑 عمران نیازی کو بچانے کے وعدے کرنے والے اب اسکا فون بھی اٹینڈ نہیں کرتے : پرویز خٹک

🛑 اب بھی وقت ہے عمران خان سیاست سے ریٹائر منٹ لیں اور خود کو قانون کے حوالے کرکے کیسز کا سامنا کریں تو پارٹی بچ سکتی ہے : پرویز خٹک

🛑 عمران خان مجھے شوکاز نوٹس کا شوق پورا کرلیں ، لیکن… pic.twitter.com/XXcoOvJkqE

— PakVocals (@PakVocals) June 21, 2023

انہوں نے کہاکہ عمران نیازی کو بچانے کے وعدے کرنے والے اب اسکا فون بھی اٹینڈ نہیں کرتے،اب بھی وقت ہے عمران خان سیاست سے ریٹائر منٹ لیں اور خود کو قانون کے حوالے کرکے کیسز کا سامنا کریں تو پارٹی بچ سکتی ہے۔

انہوں نے دعویٰ کیا کہ خیبر پختونخوا  میں 2013  میں  حکومت میں نے بنائی تھی ، اب دیکھتا ہوں عمران نیازی خیبر پختونخوا سے کتنی سیٹیں نکالتا ہے، عمران نیازی کو کھل کر بولا تمہارا کام تمام ہوگیا ہے۔

انہوں نے دعویٰ کیاکہ عمران نیازی کی سیاست پاکستان میں مزید دو مہینے تک کی مہمان ہے ، دو مہینے بعد تحریک انصاف کا نام لینے والا بھی کوئی نہیں ہوگا،عمران خان نے اپنے پاؤں پر خود ہی کلہاڑی مار دی ہے۔

پرویز خٹک نے الزام عائد کیا کہ  عمران خان جتنا جھوٹا آدمی پاکستان میں نہیں دیکھا ،میرے پاس   وزارت جھوٹ کا دفاع نہیں وزارت دفاع تھی،کارکن بھی عمران خان کے جھوٹ سے تنگ آگئے ہیں جھوٹ کا دفاع نہیں کرسکتے نہ ہی ملک میں انار کی وشرپسندی پھیلا سکتے ہیں، مہذب سیاست کا یہ راستہ یہ نہیں جو عمران نے چنا ہے۔