ایلون مسک اور مارک زکر برگ کاروباری مسابقت کے بعد کیج فائٹ کیلیے تیار

سماجی رابطے کی 2 بڑی ویب سائٹس ٹوئٹر اورمیٹا کے مالکان ایلون مسک اور مارک زکر برگ کاروباری مسابقت کے بعد دوبدو لڑائی کے لیے بھی تیار ہوگئے۔

میٹا کے سی ای او مارک زکر برگ نے ٹوئٹر کے مالک ایلون مسک کا کیج فائٹ کا چیلنج قبول کرلیا۔

یہ بھی پڑھیے

ڈیٹا پرائیوسی کی خلاف ورزی پر آئرلینڈ کا میٹا کو 1.2ارب یورو کا جرمانہ

ٹوئٹر کے  مالک ایلون مسک نےایک صارف کی ٹوئٹ پر جواب دیتے ہوئےازراہ تفنن مارک زکربرگ کو پنجرے میں بند ہوکر لڑنے کا چیلنج دیا تھا۔

صارف نے اپنے ٹوئٹ میں لکھاکہ میٹا کی جانب سے ٹوئٹر جیسی ایپ متعارف کروائی جارہی ہے ۔صارف نے ایلون مسک کو متنبہ کرتے ہوئے مزید لکھاکہ بہتر ہے ہوشیار رہنا مارک زکربرگ اب جوجسٹو کے ماہر بن چکے ہیں، جس پر ایلون مسک نے کہا کہ”اگر وہ تیار ہوں تو میں کیج میچ کے لیے تیار ہوں“۔

I’m up for a cage match if he is lol

— Elon Musk (@elonmusk) June 21, 2023

اس ٹوئٹ کا اسکرین شاٹ مارک زکربرگ نے اپنے انسٹاگرام اکاؤنٹ پر ایک اسٹوری میں شیئر کرتے ہوئے اس کے نیچے لکھا کہ”مجھے لوکیشن بھیجیں“۔

میٹا کے ایک ترجمان کے مطابق انسٹاگرام اسٹوری خود حقیقت بتا رہی ہے اور اب گیند ایلون مسک کی کورٹ میں ہے۔مارک زکربرگ کے اس جواب پر ایلون مسک نےکیج فائٹ کا وینیوبتادیا۔انہوں نے  ایک ٹوئٹ میں کرتے ہوئے ”ویگاس اوکٹاگون“ لکھا۔

I have this great move that I call “The Walrus”, where I just lie on top of my opponent & do nothing

— Elon Musk (@elonmusk) June 22, 2023

خیال رہے کہ میٹا کی جانب سے ٹوئٹر جیسے نئے سوشل میڈیا پلیٹ فارم کی تیاری پر کئی ماہ سے کام کیا جا رہا ہے۔اس ایپ کو ابھی پراجیکٹ 92 کا کوڈ نام دیا گیا ہے۔یہ ایپ انسٹاگرام پر مبنی ہے اور اسے ایکٹیویٹی پب نامی ڈی سینٹرلائزڈ سوشل میڈیا پروٹوکول سے منسلک کیا جائے گا۔