سی ٹی ڈی کی پنجاب بھر کارروائیاں، القاعدہ اور ٹی ٹی پی کے 7 دہشت گرد گرفتار

دہشت گردی کے خطرات کے پیش نظر پنجاب کے کاؤنٹر ٹیررازم ڈیپارٹمنٹ نے کالعدم تنظیم القاعدہ (آئی ایس آئی ایس) اور کالعدم تحریک طالبان پاکستان (ٹی ٹی پی) سے تعلق رکھنے والے سات مشتبہ دہشت گردوں کو گرفتار کر لیا ہے۔

دہشت گردوں کو مختلف شہروں میں کارروائیوں میں گرفتار کر کے ان کے قبضے سے دھماکہ خیز مواد، موبائل فون، اسلحہ اور نقدی برآمد کر لی گئی۔

یہ بھی پڑھیے 

شمالی وزیرستان میں خودکش دھماکہ، 3 فوجی جوان شہید، 10 شہری زخمی

ہوشاب میں سیکورٹی فورسز کے قافلے پر دہشتگردوں کا حملہ، دو فوجی جوان شہید، ایک زخمی

ترجمان نے بتایا کہ سی ٹی ڈی نے راولپنڈی، ساہیوال، بہاولپور اور گوجرانوالہ میں انٹیلی جنس کی بنیاد پر کارروائیاں کیں اور سات دہشت گردوں کو گرفتار کیا۔

حکام نے بتایا کہ گرفتار ملزمان کا تعلق کالعدم تنظیم القاعدہ (آئی ایس آئی ایس) اور کالعدم تحریک طالبان پاکستان (ٹی ٹی پی) سے ہے۔

ان کے قبضے سے دھماکہ خیز مواد، ڈیٹونیٹرز، موبائل فون، اسلحہ اور نقدی بھی برآمد ہوئی ہے۔

حکام کا کہنا ہے کہ گرفتار دہشت گردوں کے خلاف مقدمات درج کر لیے گئے ہیں اور ان سے تفتیش جاری ہے۔

حکام نے بتایا کہ گرفتار دہشت گردوں کی شناخت ابرارالحق، عبدالرحمان، عمیر، عمران، اشفاق، ایوب اور معاویہ کے نام سے ہوئی ہے۔