خواجہ سراؤں نے اپنا پریس کلب کھول لیا
ہمارے ملک میں خواجہ سراؤں کا جھکاؤ تعلیم کی طرف بڑھنے لگا ہے۔
پاکستان کے صوبہ پنجاب کے شہر مظفرگڑھ میں خواجہ سراؤں نے اپنا پریس کلب قائم کرلیا ہے اور سوشل میڈیا پر جاری ویڈیو پیغام میں خوشی کا اظہار کیا ہے۔
پاکستان میں خواجہ سراؤں کا جھکاؤ تعلیم کی طرف بڑھنے لگا ہے۔ اس طبقے کے لوگ اب تعلیم حاصل کر کے مختلف شعبوں میں اپنی خدمات سرانجام دے رہے ہیں۔ کوئی وکیل، کوئی اینکر تو کوئی ماڈلنگ میں اپنی قسمت آزما رہا ہے۔ خواجہ سراؤں نے اب صحافت کے میدان میں بھی قدم رکھ دیا ہے۔
گزشتہ دنوں پنجاب کے شہر مظفرگڑھ میں خواجہ سراؤں نے اپنا پریس کلب کھول لیا۔ سوشل میڈیا پر شیئر کردہ ویڈیو میں خواجہ سراؤں نے خوشی کا اظہار کرتے ہوئے ڈھول کی تھاپ پر بهنگڑے بھی ڈالے۔
صحافت کا معیار رہا نہ تعلیم دیکھی جاتی ہے ہر کوئی صحافی بن رہا اور آئے روز پریس کلب بن رہے ہیں یہ کہتے ہوئے مظفرگڑھ میں خواجہ سراؤں کا پریس کلب بنانے کا اعلان ڈھول کی تھاپ پر بهنگڑے pic.twitter.com/viG6QEoTEe
— Abdul Majeed Sajid (@AMajeedSajid) January 24, 2021
خواجہ سراؤں کا کہنا ہے کہ انہوں نے مظفر گڑھ کی تمام تحصیلوں سے رابطے کرنے کے بعد ہی پریس کلب کھولا ہے۔
یہاں یہ بات قابل ذکر ہے کہ نیشا راؤ کو پاکستان کی پہلی خواجہ سرا وکیل ہونے کا اعزاز حاصل ہے۔
یہ بھی پڑھیے
انڈین جوڑا مہدی حسن کی غزل گا کر سوشل میڈیا پر مقبول
کامی سڈ پاکستان کی پہلی خواجہ سرا ماڈل ہیں جو فیشن انڈسٹری میں اپنے قدم جمائے ہوئے ہیں۔
واضح رہے کہ خواجہ سراؤں کو ہمارے معاشرے میں مقام دینے کی بات سب سے پہلے پاکستان کے سابق چیف جسٹس افتخار محمد چوہدری نے کی تھی۔ انہوں نے نادرا کو خواجہ سراؤں کے قومی شناختی کارڈ جاری کرنے کا حکم دیا تھا جس کے بعد انہیں ووٹ دینے اور الیکشن لڑنے کا حق حاصل ہوا۔
