کراچی کی سڑکوں پر ریورس گاڑی چلانے کی ویڈیو وائرل

کراچی کی سڑکوں پر ریورس گاڑی چلانے کی ویڈیو وائرل ہورہی ہے جس میں پاس سے گزرنے والے مسافر ڈرائیور کی مہارت کی تعریف کرتے ہوئے اسے چیمپئن قرار دے رہے ہیں۔

پاکستانی بعض اوقات ایسے ایسے کارنامے سرانجام دے دیتے ہیں جن کا تصور صرف خیالی دنیا یا پھر فلموں میں ہی کیا جاتا ہے۔ ایسا ہی ایک کارنامہ نوجوان نے کراچی کی اہم سڑک پر ریورس گاڑی چلا کر انجام دیا ہے۔ ویڈیو میں دیکھا جاسکتا ہے کہ نوجوان مہارت سے جیگوار نامی گاڑی کو ریورس گیئر کا استعمال کرتے ہوئے چلا رہا ہے۔

رات کے وقت میں ریورس گیئر میں گاڑی کو مصروف روڈ پر چلانا کسی خطرے سے کم نہیں۔ ذرا سی بے احتیاطی کسی بڑے حادثے کو جنم دے سکتی ہے۔

یہ بھی پڑھیے

پاکستان اور انڈیا سے موسیقی کی دو دیوانیاں سوشل میڈیا پر وائرل

کراچی کی سڑکوں پر ریورس گاڑی چلانے والے ڈرائیور نے ویڈیو میں کہا کہ ‘اس کی گاڑی کا گیئر خراب ہے’۔ یہی وجہ سے ڈرائیور کو گاڑی ریورس میں چلانی پڑھ رہی ہے۔