مداح کا کبریٰ خان کو گرافیٹی آرٹ کے ذریعے خراج تحسین
مداح نے اپنے فن سے اداکارہ کا دل جیت لیا۔
پاکستان کی معروف اداکارہ کبریٰ خان کے ویسے تو بہت مداح ہیں لیکن ایک مصور نے ان کی خوبصورتی کو گرافیٹی آرٹ میں قید کرنے کی زبردست کوشش کی ہے۔
فنکاروں سے محبت کے اظہار کے لیے مداح بہت کچھ کر گزرتے ہیں لیکن اداکارہ کبریٰ خان کے ایک مداح نے انہیں اپنے فن گرافیٹی سے حیران کردیا۔
کوبی خان کے فرضی نام سے آرٹسٹ نے گرافیٹی آرٹ کا نمونہ پیش کرتے ہوئے کبریٰ خان کی تصویر بنادی اور سماجی رابطوں کی ویب سائٹ ٹوئٹر پر اسے شیئر بھی کردیا۔ کبریٰ خان کی نظر سے جب یہ شاہکار گزرا تو انہوں نے کمنٹ میں مداح کو داد دی۔
❤️
— Kubra Khan Official (@KubraMKhan) May 8, 2021
یہ بھی پڑھیے
عمران اشرف اور عائشہ عمر کی ٹرولز کی عزت سے بےعزتی
یہ گرافٹی کس ملک اور کس شہر میں بنایا گیا ہے اس سے متعلق تو فنکار نے کوئی وضاحت نہیں دی ہے لیکن اطراف میں موجود شہریوں کو دیکھ کر ایسا گمان ہورہا ہے کہ یہ پاکستان نہیں ہے۔
یہاں یہ بات قابل ذکر ہے کہ اس سے پہلے کراچی سے تعلق رکھنے والے آرٹسٹ نیل اچونگ نے معروف اداکارہ ماہرہ خان کی گرافیٹی بنائی تھی۔
