ماہرہ خان اور ژالے سرحدی رقیب سے کی مداح

پاکستانی اداکارہ ماہرہ خان اور ژالے سرحدی ڈرامہ سیریل رقیب سے کی مداح ہوگئیں۔ دونوں فنکاراؤں نے سماجی رابطوں کی ویب سائٹ ٹوئٹر پر پوسٹ میں ڈرامے کے ہدایتکار، مصنفہ اور اداکاروں کی تعریف کی ہے۔

پاکستان کی ٹی وی اسکرین پر ایک عرصے بعد ایسا ڈرامہ دیکھنے کو ملا ہے جو اپنی کہانی اور کرداروں کے اعتبار سے بالکل مختلف نوعیت کا ہے۔ رقیب سے کے مقصود صاحب ہوں یا حاجرا، سکینہ ہو یا امیراں، ہر کردار کی اپنی ایک الگ شخصیت ہے جس میں خوبیوں کے ساتھ ساتھ خامیاں بھی ہیں۔

ماہرہ خان نے اپنی ٹوئٹ میں رقیب سے کی تعریف کرتے ہوئے لکھا ہے کہ یہ ڈرامہ روح کو چھولیتا ہے۔ اداکارہ نے ہدایتکار کاشف نثار اور مصنفہ بی گل سمیت ڈرامے کی تمام کاسٹ کو ان کی بہترین اداکاری پر داد دی۔

Everytime I see a clip, a scene, even a just a still of Raqeeb Se.. I feel something tug at my heart. It calls out to your soul. Take a bow Kashif Nisar, Bee Gul.. and the tremendous cast and crew of this serial. Pure gold 🙏🏼💫

— Mahira Khan (@TheMahiraKhan) May 22, 2021

یہ بھی پڑھیے

فریال محمود کی اداکارہ ثانیہ سعید کے کردار کی تعریف

ڈرامے میں سکینہ کا کردار نبھانے والی معروف گلوکارہ حدیقہ کیانی نے ماہرہ خان کا شکریہ ادا کیا اور ساتھ ہی لکھا کہ کاشف نثار اور ان کی ٹیم نے بی گل کی تحریر کو جس انداز سے ٹی وی پر دکھایا وہ قابل تعریف ہے۔

The way Kashif Nisar and his team were able to capture the soul of Bee Gul’s work, it was just magical. Thank you for your support Mahira, it means a lot to all of us 🙏🏼💗

— Hadiqa Kiani (@Hadiqa_Kiani) May 23, 2021

اداکارہ ژالے سرحدی نے بھی ماہرہ خان کی بات سے اتفاق کرتے ہوئے ٹوئٹ میں رقیب سے کی تعریف کی۔ ژالے نے ڈرامے کے اداکاروں اور ہدایتکار کو مخاطب کرتے ہوئے ان کے کام کو سراہا۔

Absolutely my feelings!!! This serial is great, the connections feel real and the acting so understated that it is love! #kashifnisaar @FaryalMehmood_ @iqraazizhussain #saniasaeed @Hadiqa_Kiani and #nomanijaz you guys are all love! https://t.co/6T3Rm9k3aO

— zhalay sarhadi (@Xxhalay) May 23, 2021

واضح رہے ہم ٹی وی پر اگلے ہفتے ڈرامہ سیریل ’رقیب سے‘ کی تئیسویں قسط نشر کی جائے گی۔