عیدالفطر کی تعطیلات میں اے ٹی ایمز سے کتنی رقم نکلوائی گئی؟

پاکستان اسٹیٹ بینک کے مطابق رمضان المبارک اورعید الفطر کی تعطیلات کے دوران اے ٹی ایم مشینوں کے ذریعے 827.2 ارب روپے نکالے گئے ہیں۔

اسٹیٹ بینک آف پاکستان نے اعلان کیا ہے کہ مرکزی بینک اور پاکستان کے کمرشل بینکوں کی کوششوں سے رمضان المبارک اور عید الفطر کی تعطیلات کے دوران نقد رقم کی زیادہ طلب کے پیش نظر اے ٹی ایم مانیٹرنگ کی ایک خصوصی اقدام کا آغاز کیا تھا جس کی وجہ سے اے ٹی ایم سروسز کی اوسط 96.5 فیصد رہی۔ عید الفطر کی تعطیلات کے دوران اپ ٹائم مزید بہتر ہو کر 98 فیصد ہوگیا۔

1/3 SBP’s initiative of Special ATM Monitoring during Ramadan & Eid bears substantial results with an average of 96.5% uptime recorded in ATM services which further improved to 98% uptime during the Eid-ul-Fitr holidays. For details: https://t.co/CHSC7dp3hL

— SBP (@StateBank_Pak) May 25, 2021

یہ بھی پڑھیے

اسٹیٹ بینک نے 6 ماہ کے لیے مانیٹری پالیسی کا شیڈول جاری کردیا

اسٹیٹ بینک کے مطابق عید الفطر کی تعطیلات کے دوران 11.6 ملین ٹرانزایکشنز کے ذریعے 137.8 ارب روپے نکالے گئے ہیں جبکہ رمضان المبارک اور عید الفطر کی تعطیلات کے دوران اے ٹی ایم سے 63.2 ملین ٹرانزایکشنز کے ذریعے 827.2 ارب روپے نکالے گئے ہیں۔

3/3 Dedicated SBP staff was available round the clock to ensure uninterrupted ATM related services during Eid holidays & received more than 500 complaints from public that were immediately taken up with the banks for resolution in the shortest possible time.

— SBP (@StateBank_Pak) May 25, 2021

مرکزی بینک کے مطابق اسٹیٹ بینک کی ٹیم کا عملہ مختلف بینکوں کے ساتھ 24 گھنٹے رابطے میں تھا تاکہ اس بات کو یقینی بنایا جائے کہ عید الفطر اور رمضان المبارک کی تعطیلات کے دوران عوام کو اے ٹی ایم کی خدمات دستیاب رہیں۔

اسٹیٹ بینک کو پاکستانی عوام کی طرف سے 500 سے زیادہ شکایات موصول ہوئیں جنہیں فوری طور پر حل کرنے کے لیے مختلف بینکوں سے رابطہ کیا گیا تھا۔