عدنان صدیقی پروڈیوسر بن گئے

پاکستان کے معروف اداکار عدنان صدیقی نے پروڈکشن کے میدان میں قدم رکھ دیا۔ سماجی رابطوں کی ویب سائٹ ٹوئٹر پر عدنان صدیقی نے فلم دم مستم کا پوسٹر شیئر کردیا۔

عدنان صدیقی نے اپنی ٹوئٹر پوسٹ میں بتایا کہ وہ اپنی پہلی فلم دم مستم پروڈیوس کرنے کے حوالے سے پرجوش ہیں۔ معروف اداکار نے مداحوں سے تعاون کی درخواست کی۔

FINALLY!!!! Super elated to reveal the first look poster of my big screen debut as a producer. Pls shower some love on my baby #DumMastam #upcomingmovie pic.twitter.com/U0sfHDxLFz

— Adnan Siddiqui (@adnanactor) July 5, 2021

یہ بھی پڑھیے

بشریٰ انصاری کا ناقدین کو منہ توڑ جواب

 فلم میں معروف اداکار عمران اشرف اداکاری کے جوہر دکھائیں گے۔ عمران اشرف کی ڈیبیو فلم ’’دم مستم ‘‘ کی شوٹنگ بھی زوروشور سے جاری ہے۔ رومانٹک کامیڈی فلم میں ہیروئن کا کردار اداکارہ، ہدایتکارہ اور مصنفہ امرخان نے نبھایا ہے۔ انہوں نے 2018 میں ڈرامہ بیلا پور کی ڈائن میں نیلوفر کا کردار ادا کیا تھا۔

WELCOME to the world of film producers. I hope your first venture as producer will be a good one. I suggest your thorough involvement right from paper (script) to camera to editing.

— Nasir Jamal (@NasirJamal) July 5, 2021

واضح رہے کہ فلم کے ہدایتکار محمد احتشام الدین ہیں۔ عدنان صدیقی اور اختر حسنین نے مل کر ’’دم مستم‘‘ کو پروڈیوس کیا ہے۔

عدنان صدیقی کے مشہور ڈراموں میں عروسہ، پل دو پل، مہندی اور میرے پاس تم ہو سرفہرست ہیں۔