ٹیکسی ڈرائیور کی کال کے بعد مکیش امبانی کے گھر کی سیکیورٹی سخت
ممبئی پولیس کو ٹیکسی ڈرائیور نے بتایا کہ دو مشکوک مسافر مکیش امبانی کی رہائشگاہ کا پتہ معلوم کر رہے تھے۔
ممبئی پولیس نے بتایا کہ انہیں کنٹرول سینٹر پر ایک ٹیکسی ڈرائیور کی کال موصول ہوئی جس کا دعویٰ تھا کہ دو افراد نے مبینہ طور پر اس سے مکیش امبانی کی رہائشگاہ انٹیلیا کے متعلق پوچھا کہ وہ کہاں ہے۔
Security heightened outside #MukeshAmbani‘s residence ‘#Antilia‘ after Mumbai Police received a call from a taxi driver that two people carrying a bag asked for Ambani’s residence.
(ANI) pic.twitter.com/jogLrIwzoq
— NDTV (@ndtv) November 8, 2021
دونوں افراد ٹیکسی میں سفر کر رہے تھے جب انہوں نے ٹیکسی ڈرائیور سے بھارت کے امیر ترین آدمی اور ریلائنس انڈسٹریز کے چیئرمین مکیش امبانی کے گھر کا پتہ معلوم کیا۔
یہ بھی پڑھیے
نیتا امبانی کے وزیٹنگ پروفیسر بننے پر یونیورسٹی میں احتجاج
لاہور دھماکے کے مبینہ ماسٹر مائنڈ کے دعوے، تحقیقات نئے موڑ پر
ٹیکسی ڈرائیور کے مطابق دونوں افراد کے پاس ایک بیگ بھی تھا۔
ممبئی پولیس کا کہنا ہے کہ انہوں نے ٹیکسی ڈرائیور کا بیان ریکارڈ کرکے معاملے کی تحقیقات شروع کردی ہیں۔
دوسری طرف مکیش امبانی کی رہائشگاہ انٹیلیا کے باہر سیکیورٹی سخت کردی گئی ہے۔ پولیس نے اس کے اطراف میں بیریئرز لگا دئیے ہیں اور دونوں مشکوک افراد کی تلاش جاری ہے۔
رواں سال فروری میں انٹیلیا کے باہر دھماکہ خیز مواد سے بھری ایک جیپ برآمد ہوئی تھی۔
مذکورہ جیپ سے مکیش امبانی اور ان کی اہلیہ کے نام لکھا گیا خط بھی برآمد ہوا تھا۔
پولیس نے تفتیش شروع کی تو معلوم ہوا کہ جیپ میں بم ایک سابق پولیس اہلکار نے نصب کیے تھے۔
جس طالبعلم سے جیپ چرائی گئی تھی چند روز بعد اس کا بھی قتل ہوگیا تھا۔
انٹیلیا مکیش امبانی اور ان کے اہلخانہ کی ملکیت ہے جو کہ دنیا کے پرتعیش گھروں میں شامل ہے۔ 27 منزلوں پر مشتمل یہ عمارت جنوبی ممبئی کے کمبالا ہل ایریا میں واقع ہے۔
