ڈی کیپریو اور جینیفر لارنس نئی فلم میں خلانورد بن گئے

فلمساز ایڈم میکے کی بنائی گئی کامیڈی فلم ‘ڈونٹ لک اپ’ رواں سال دسمبر میں ریلیز ہوگی۔ اس فلم میں لیونارڈو ڈی کیپریو اور جینیفر لارنس اداکاری کے جوہر دکھائیں گے۔

فلم میں امریکہ کی سیاسی تقسیم کو دکھایا گیا ہے۔ کاسٹ میں کئی اور بہترین اداکار میرل اسٹریپ، راب مورگن، جوناح ہل، مارک رائیلینس، کیٹ بلینچٹ، ٹائلر پیری بھی شامل ہیں۔

یہ بھی پڑھیے

بیٹ مین کا نیا ٹریلر جاری، شائقین رابرٹ پیٹنسن کے دیوانے

اداکار اذان سمیع نے اپنے ڈرامے کا ٹریلر مداحوں کے لیے جاری کردیا

لیونارڈو ڈی کیپریو نے سماجی رابطے کی ویب سائٹ پر فلم کا ٹریلر شیئر کرتے ہوئے لکھا کہ ‘ڈونٹ لک اپ 10 دسمبر سے تھیٹرز کی زینت بنے گی جبکہ 24 دسمبر کو نیٹ فلکس پر ریلیز کردی جائے گی۔

.@DontLookUpFilm is in select theaters December 10 and on @Netflix December 24. @netflixfilm #dontlookup pic.twitter.com/tHgP8hupmM

— Leonardo DiCaprio (@LeoDiCaprio) November 16, 2021

ڈی کیپریو اور جینیفر نے ڈاکٹر رینڈل منڈی اور ڈاکٹر کیٹ کا کردار ادا کیا ہے جو کہ معمولی سے خلا نورد ہیں۔

ان دونوں کو حکومت یہ حکم دیتی ہے کہ پورے امریکا کا سفر کریں اور لوگوں کو بتائیں کہ ایک بہت بڑا شہابِ ثاقب زمین پر گرنے والا ہے۔

اس سفر کے دوران پیش آنے والے واقعات اور دونوں خلانوردوں کا امریکی صدر سے رابطہ کرکے انہیں آگاہ کرنا نہایت مزاحیہ انداز میں پیش کیا گیا ہے۔