پشاور میں خودکش دھماکہ: قیمتی جانی نقصان پر شوبز شخصیات کا اظہار افسوس
خیبرپختونخوا کے دارالحکومت پشاور میں ہونے والے خود کش دھماکے کے بعد جہاں صدر اور وزیراعظم نے اظہار افسوس کیا ہے وہیں شوبز انڈسٹری کے فنکار بھی صدمے میں ہیں، پاکستان کے ڈرامہ انڈسٹری سے تعلق رکھنے والے فنکاروں نے دھماکے میں ہونے والے قیمتی جانی نقصان پر اظہار افسوس کیا ہے۔
اداکارہ ثنا ء فخر نے سماجی رابطوں کی ویب سائٹ ٹوئٹر پر پشاور میں ہونے والے بم دھماکے پر اظہار افسوس کرتے ہوئے کہا ہے کہ یہ ہم سب کے لیے ایک انتہائی افسوسناک دن ہے، میری دعائیں غمزدہ خاندانوں کے ساتھ ہیں مجھے ان سے دلی ہمدردی ہے۔
یہ بھی پڑھیے
پشاور، نماز جمعہ کے دوران جامع مسجد میں دھماکہ، 56 افراد جاں بحق
کوئٹہ کے علاقے فاطمہ جناح روڈ پر دھماکہ،2 افراد جاں بحق ، متعدد زخمی
“Whoever kills an innocent person it is as if he has killed all of humanity.” My thoughts and prayers are with the victims and their families. #Peshawarblast
— Armeena ✨ (@ArmeenaRK) March 4, 2022
اداکارہ ارمینا خان نے بھی مائیکرو بلاگنگ کی ویب سائٹ ٹوئٹر پر قیمتی جانی نقصان پر دکھ کا اظہار کرتے ہوئے کہا کہ میری دلی ہمدردی غمزدہ خاندانوں کے ساتھ ہیں ، انھوں نے لکھا کہ ’’جس کسی نے بھی کسی بے گناہ کو قتل کیا گویا اس نے پوری انسانیت کا قتل کیا‘‘۔
A very sad day for all of us. My prayers and heartfelt sympathies with the bereaved families. #Peshawarblast #Peshawar 💔💔💔
— Sana Fakhar (@SanaSensation) March 4, 2022
واضح رہے کہ صوبہ خیبر پختونخواکے شہر پشاور پشاور کے علاقے قصہ خوانی بازار کی جامع مسجدمیں آج نماز جمع کے اجتماع میں پانچ کلو دھماکہ خیز مواد سے خودکش حملہ آور نے حملہ کیا گیا جس میں اب تک کی اطلاعات کے مطابق 57 افراد شہید اور 200 سے زائد زخمی ہوئے ، خودکش بمبار نے مسجد میں داخل ہونے سے قبل پولیس اہلکاروں اور دیگر نمازیوں پر فائرنگ بھی کی۔
