بابر اعظم واقعی کرکٹرِ اعظم ہیں وزیراعظم سمیت سب نے مان لیا
آسٹریلوی ٹیم کے خلاف بہترین کارکردگی کا مظاہرہ کرنے سر ویون رچرڈز ، مائیکل وان اور ہرشا بھوگلے نے بابر اعظم کو خراج تحسین پیش کیا ہے۔
ٹیم آسٹریلیا کے خلاف دوسرے ٹیسٹ کی دوسری اننگز میں شاندار پرفارمنس دینے پر قومی کرکٹ ٹیم کے کپتان بابر اعظم کو وزیراعظم عمران خان اور ویسٹ انڈیز کے سابق کپتان سر ویوین رچرڈز سمیت کرکٹ سے منسلک معروف شخصیات نے مبارکباد دی ہے۔
قومی کرکٹ ٹیم کے کپتان بابر اعظم کو مبارکباد دیتے ہوئے سماجی رابطوں کی ویب سائٹ ٹوئٹر پر پیغام شیئر کرتے ہوئے وزیراعظم عمران خان نے کہا ہے کہ "بابر اعظم کو شاندار کپتانی اننگز کھیلنے اور ورلڈ کلاس بیٹنگ کے ساتھ زبردست فائٹ بیک کرنے اور پاکستانی ٹیم کی قیادت کرنے پر مبارکباد پیش کرتا ہوں۔ خاص طور پر محمد رضوان ، عبداللہ شفیق اور باقی ٹیم کو بھی مبارکباد جنہوں نے ڈٹ کر مقابلہ کیا۔”
یہ بھی پڑھیے
بابر اعظم کراچی ٹیسٹ نہ جتوا سکے شائقین کے دل جیت لیے
شاہین آفریدی کی درخواست پر لاہور قلندرز کا زمان خان کو گھر دینے کا اعلان
وزیراعظم عمران خان نےاپنے پیغام میں مزید لکھا ہے کہ "بدقسمتی سے میں یہ میچ نہیں دیکھ سکا کیونکہ میں ایک اور محاذ پر پھنسا ہوا جہاں میچ فکسنگ چل رہی ہے ، میرے کھلاڑیوں کو خریدنے کےلیے بھاری رقم استعمال کی جا رہی ہے۔”
Congratulations to Babar Azam for leading the Pak team in a tremendous fightback with a superb captain’s inning & world class batting display; & congratulations to the rest of the team too in the way they fought back, especially Rizwan & Shafique.
— Imran Khan (@ImranKhanPTI) March 17, 2022
انڈیا کے معروف کمنٹیٹر ہرشا بھوگلے نے لکھا ہے کہ "بابر ، رضوان اور آفریدی تینوں فارمیٹس میں کھیلتے ہوئے اپنی ٹیم کو سہارا دیئے ہوئے ہیں۔”
Babar. Rizwan. Afridi. Top all format players. The three pillars holding the team up.
— Harsha Bhogle (@bhogleharsha) March 16, 2022
انگلش کرکٹ ٹیم کے سابق کپتان اور مایہ ناز بلے باز مائیکل وان نے بابر اعظم کی پرفارمنس پر خوشی کا اظہار کرتے ہوئے لکھا ہے کہ "کسی بھی سوال کے بغیر ، میں سمجھتا ہوں کہ بابر اعظم اس وقت دنیا کے بہترین بلے باز ہیں ، انہوں نے تمام فارمیٹس میں بہترین خدمات انجام دی ہیں۔”
Without question I think @babarazam258 is the best all round Batter in the World right now .. Brilliant across all the formats .. #PAKvAUS ..
— Michael Vaughan (@MichaelVaughan) March 16, 2022
ویسٹ انڈیز کرکٹ ٹیم کے سابق کپتان سر ویون رچرڈز نے سماجی رابطوں کی ویب سائٹ ٹوئٹر پر بابر اعظم اور محمد رضوان کا ایک ویڈیو کلپ شیئر کرتے ہوئے لکھا ہے کہ "ان دونوں نے غیرمعمولی صلاحیتوں کا مظاہرہ کیا ہے۔ دنیائے کرکٹ میں ایسے پلیئرز کو دیکھنا بہت کم نصیب ہوتا ہے۔ زبردست بابر اعظم اور محمد رضوان۔”
What an exceptional display of talent by these two. World cricket is blessed to witness such players in the middle.
Well done @babarazam258 @iMRizwanPak 🙌 https://t.co/mQKUoPq3AG
— Sir Vivian Richards (@ivivianrichards) March 16, 2022
قومی کرکٹ ٹیم کے کپتان بابر اعظم نے آسٹریلیا کے خلاف بہتر کارکردگی کے حوالے سے سماجی رابطوں کی ویب سائٹ ٹوئٹر پر پیغام شیئر کرتے ہوئے لکھا ہے کہ "مجھے یہ اننگ کئی حوالوں سے ہمیشہ یاد رہے گی ، عبداللہ شفیق اور محمد رضوان سمیت ساری ٹیم نے بہترین کارکردگی کا مظاہرہ کیا۔ کراچی کے شائقین کرکٹ کا بہت شکریہ۔”
I will remember this innings for many reasons. Special knock by @imabd28, @iMRizwanPak and my entire team showed massive character.
Thank you Karachi, you were spectacular! 👏 pic.twitter.com/zl6uHcwj9i— Babar Azam (@babarazam258) March 16, 2022
یاد رہے کہ قومی کرکٹ ٹیم کے کپتان بابر اعظم نے آسٹریلیا کے خلاف دوسرے ٹیسٹ کی دوسری اننگز میں شاندار بلے بازی کا مظاہرہ کرتے ہوئے 425 گیندوں کا سامنا کرتے ہوئے 196 رنز اسکور کیے ، ان کی اننگز میں ایک چھکا اور 21 چوکے شامل تھے۔
