شاہد آفریدی کا پاک فوج کو خراج تحسین

شاہد خان آفریدی نے ملکی موجودہ سیاسی صورتحال پر اپنے ردعمل میں افواج پاکستان کو خراج تحسین پیش کرتےہوئے کہا ہے کہ  ’ہماری افواج ہیں تو ہم ہیں‘

سماجی رابطوں کی ویب سائٹ ٹوئٹر پر اپنے پیغام میں  دنیائے کرکٹ کےمایا ناز  آل راؤنڈر شاہد خان آفریدی نے اپنے مداحوں کے نام پیغام دیا ہے جس میں انھوں نے پاکستان آرمی کو خراج تحسین پیش کیا ہے،   انھوں نے ایک تصویر شیئر کی جس میں پاک فوج کا چاق و چوبند دستہ پاکستان کے جھنڈے لئے پریڈ کررہا ہے عقب میں بابائے قوم قائد اعظم محمد علی جناح اور مفکر پاکستان علامہ اقبال کی تصاویر بھی نمایا ہیں۔

یہ بھی پڑھیے

شاہد آفریدی کی شہباز شریف کو مبارکباد ، عمران خان کو تحمل سے کام لینے کا مشورہ

خدارا حکومت کو آئینی مدت پوری کرنے دیں،  شاہد آفریدی کا مطالبہ

ریاست، سیاست و حکومت سے بہت اوپر ہوتی ہے؛ جہاں بات ریاست پر آئے، وہاں ہر سیاسی وابستگی سے بالاتر ہو کر اپنی ریاست اور اس کے دفاع پہ مامور اداروں کے ساتھ کھڑا ہونا چاہئے۔ یہ بھی آپ کے اپنے ہیں۔ ایل او سی سے کوسٹ لائنز تک ہر سپاہی، ہر محافظ قابل احترام ہے۔ہماری افواج ہیں تو ہم ہیں pic.twitter.com/nM7ASrqpU5

— Shahid Afridi (@SAfridiOfficial) April 17, 2022

تصویر کے ساتھ انھوں نے لکھا کہ ریاست، سیاست و حکومت سے بہت اوپر ہوتی ہے جہاں بات ریاست پر آئے، وہاں ہر سیاسی وابستگی سے بالاتر ہو کر اپنی ریاست اور اس کے دفاع پر مامور اداروں کے ساتھ کھڑا ہونا چاہیے۔ انہوں نے کہا کہ یہ بھی آپ کے اپنے ہیں، ایل او سی سے کوسٹ لائنز تک ہر سپاہی، ہر محافظ قابل احترام ہے۔ شاہد آفریدی نے اپنی ٹوئٹ میں زور دیتے ہوئے مزید واضح کیا ’ہماری افواج ہیں تو ہم ہیں‘۔

خیال رہے کہ گزشتہ روز آرمی چیف جنرل قمر جاوید باجوہ  نے فوجی افسران سے گفتگو میں کہا تھا کہ فوج اورعوام کے درمیان پھوٹ پیدا کرنے کی کسی کوشش کو برداشت نہیں کیاجائےگا۔ آرمی چیف کا کہنا تھاکہ غلط معلومات اور پروپیگنڈے سے ریاستی سالمیت کو خطرہ لاحق ہوتا ہے۔