نیول چیف ایڈمرل محمد امجد خان نیازی کا عالمی یوم ماحولیات پر پیغام

ہرسال 5 جون کو ماحولیات کا عالمی دن منایا جاتا ہے تاکہ ماحول کے تحفظ کے حوالے سے آ گہی پیدا کی جا سکے۔ اقوام متحدہ کے ماحولیاتی پروگرام کے تحت منایا جانے والا یہ دن ہمارے ماحول کو درپیش مسائل جیسے آلودگی، جنگلی حیات کی غیر قانونی تجارت، پائیدار کھپت، سطح سمندر میں اضافہ اور غذائی تحفظ کے بارے میں شعور اجاگر کرنے کا ایک موقع ہے۔

اقوام متحدہ کے پائیدار ترقیاتی مقاصد کے تحت، اس دن کا مقصد ماحول کے تحفظ کو یقینی بنانے کے لیے کیے جانے والے اقدامات کی ترویج کرنا تاکہ ہم آنے والی نسلوں کے لیے ایک بہتر معیارِ زندگی فراہم کرسکیں۔

یہ بھی پڑھیے

پاکستان میں ذہنی مسائل اور خودکشی کی روک تھام کیلئےگوگل ایپ تیار

اس سال عالمی یوم ماحولیات کا موضوع صرف ایک زمین ہے، جس میں فطرت کے ساتھ ہم آہنگی کے لیے وسیع پیمانے پر پالیسیوں میں تبدیلی اور سر سبز و شاداب اور پائیدار طرز زندگی کے فروغ کے لیے آواز اٹھانا ہے۔

رواں سال اقوام متحدہ کے ماحولیاتی پروگرام کی گولڈن جوبلی کے موقع کی مناسبت سے عالمی یوم ماحولیات کا سب سے پہلا موضوع،صرف ایک زمین جسے 1974 میں اپنایا گیا تھا دوبارہ منتخب کیا گیا ہے۔ پانچ دہائیاں گزر جانے کے باوجود یہ موضوع ہمیشہ کی طرح ہمارے لئے اہمیت کا حامل ہے۔

ماحول کے تحفظ کے لیے کیے جانے والے اقدامات کے حوالے سے پاکستان صحیح سمت میں توجہ مرکوز کررہا ہے تاکہ انسانی سرگرمیوں کی وجہ سے ہونے والی ماحولیاتی تباہی کو کم کیا جاسکے۔ پاک بحریہ ماحول کے تحفظ اور اس کی اہمیت کو اجاگر کرنے کے لیے عالمی یوم ماحولیات مناتی ہے۔

پاک بحریہ نے اس سلسلے میں مختلف اقدامات کیے ہیں جن میں مینگروز اور شجرکاری مہمات، پاک بحریہ کے رہائشی علاقوں میں پولی تھین بیگ کے استعمال پر پابندی، بندرگاہوں پر ٹھوس فضلہ جمع کرنا، ریڈ بیڈ اور ریورس آسماسسز پلانٹس اور رہائشی علاقوں میں سیوریج کے پانی کی نکاسی شامل ہیں۔

پاک بحریہ کے زیر انتظام علاقوں میں ‘تھری بن سسٹم’ متعارف کرانے کا منصوبہ بھی زیر غور ہے۔ اس سسٹم کے تحت زیر زمین تلف کیے جانے والے فضلاء، دوبارہ استعمال کے قابل اشیاء اور کھاد کے طور پر استعمال ہونے والے نامیاتی مواد کو الگ کیا جاسکے۔ اس طرح نہ صرف پودوں کی نشوونما کو تقویت ملے گی بلکہ ماحول کو آلودہ کرنے والی میتھین گیس کے اخراج کو روکا جاسکے۔

پاک بحریہ کی فیلڈ کمانڈز نے تمام اہلکاروں میں احساس ذمہ داری پیدا کرنے اور ماحول کو محفوظ بنانے کے لیے متعدد سرگرمیوں کا اہتمام کیا ہے۔ میں تمام بحری کمیونٹی سے توقع کرتا ہوں کہ وہ ایسی سرگرمیوں کو کامیاب بنانے کے لیے کوششیں کریں گے۔ ایک مشترکہ مقصد کے لیے اجتماعی کوششوں کے ساتھ ساتھ، انفرادی اقدامات بھی مجموعی طور پر مؤثر اثرات پیدا کر سکتے ہیں۔