پہلی مسلم سپر ہیرو سیریز” مس مارول “کی پہلی قسط آج نشر ہوگی
مارول اسٹوڈیو کی تیار کردہ سیریز کی پہلی قسط ڈزنی پلس اور ڈزنی پلس ہاٹ اسٹار پر ریلیز کی جائے گی، بھارتی اداکار فرحان اختر کی جانب سے ہدایت کارہ شرمین عبید چنائے کی تعریف
مارول اسٹوڈیو کی نئی سیریز مس مارول کے مداحوں کا انتظار تمام ہوا۔پہلی مسلم سپر ہیرو سیریز کے سیزن ون کی پہلی قسط آج ڈزنی پلس اور ڈزنی پلس ہاٹ اسٹار پر نشر ہوگی۔
مس مارول کی کاسٹ میں شامل بھارتی اداکار فرحان اختر نے فلم کی ہدایت کارہ شرمین عبید چنائے کو تعریف سے نوازا ہے۔
یہ بھی پڑھیے
کیا فرحان اختر مس مارول کے لیے اچھا انتخاب ہوں گے؟
مس مارول میں فواد خان اور مہوش حیات کا کیا کردار ہوگا؟
فرحان اختر نےٹوئٹر پر جاری بیان میں کہا ہے کہ یہ پوسٹ تخلیق کاروں، ہدایت کاروں اور کیمرے کے سامنے اور پیچھے موجود ان تمام افراد کی تعریف میں ہے جنہوں نے مس مارول کو بنانے میں تعاون کیا ہے۔
In gratitude.. ❤️ #MsMarvel out tomorrow @disneyplus @DisneyPlusHS @Marvel pic.twitter.com/5nGb8rlx7J
— Farhan Akhtar (@FarOutAkhtar) June 7, 2022
فرحان اختر مزید لکھا کہ یہ پوسٹ شرمین عبید چنائے کی تعریف میں ہے کہ انہوں نے میرے کام کے دنوں میں میری رہنمائی کی ۔یہ پوسٹ مارول کی تعریف میں ہے۔ مجھے شعوری طور پر اس حصہ بننے پر فخر ہے۔
انہوں نے مزید کہا کہ یہ سیریز تنوع کا جشن ہے اور یہ یقینی طور پر برصغیر کی لاکھوں نوجوان لڑکیوں اور لڑکوں کے لیے خوشی اور خود شناسی کا فخر لائے گا۔
The future is in her hands.
Ms. Marvel, an Original series from Marvel Studios, starts streaming June 8 on @DisneyPlus. #MsMarvel pic.twitter.com/k1s7HWOtaV
— Marvel Studios (@MarvelStudios) March 15, 2022
فرحان اختر نے مزید کہا کہ اور آخر میں یہ پوسٹ حیرت انگیز طور پر باصلاحیت ایمان ویلانی کی تعریف میں ہے، اس کی تفریح اور دلکشی دیکھنے کیلیے تیار رہیں، آخر میں فرحان اختر نے ایک مرتبہ پھر مس مارول کی پوری ٹیم کا شکریہ اداکیا۔
