پاکستان میں 24 گھنٹوں کے دوران کورونا سے مزید 7 افراد انتقال کر گئے
این آئی ایچ کی رپورٹ کے مطابق پاکستان بھر میں گزشتہ 24 گھنٹوں کے دوران 732 کورونا وائرس کے نئے کیسز رپورٹ ہوئے ہیں۔
پاکستان بھر میں گزشتہ 24 گھنٹوں کے دوران نوول کورونا وائرس سے متاثرہ مزید 7 افراد زندگی کی بازی ہار گئے ہیں ، جس کے بعد ملک میں کورونا سے ہونے والی ہلاکتوں کی تعداد 30 ہزار 420 ہو گئی ہے۔
نیشنل انسٹیٹیوٹ آف ہیلتھ (این آئی ایچ) کے تازہ ترین اعدادوشمار کے مطابق گزشتہ 24 گھنٹوں کے دوران ملک بھر میں کم از کم 732 کورونا وائرس کے نئے کیسز رپورٹ ہوئے ہیں ، اس طرح ملک اب تک رپورٹ ہونے والے کیسز کی تعداد 15 لاکھ 42 ہزار 377 ہو گئی ہے۔
یہ بھی پڑھیے
ڈبلیو ایچ او نے یورپ کو منکی پاکس وباء کا گڑھ قرار دے دیا
نیشنل انسٹی ٹیوٹ آف ہیلتھ کے مطابق پاکستان میں گزشتہ 24 گھنٹوں کے دوران 22 ہزار 568 ٹیسٹ کیے گئے جن میں سے 732 افراد میں اس مرض کا ٹیسٹ مثبت آیا۔ اس طرح کورونا مثبت کیسز کی شرح 3.24 فیصد ریکارڈ کی گئی۔
COVID-19 Statistics 09 July 2022
Total Tests in Last 24 Hours: 22,568
Positive Cases: 732
Positivity %: 3.24%
Deaths: 07
Patients on Critical Care: 158— NIH Pakistan (@NIH_Pakistan) July 9, 2022
اس ہفتے کے شروع میں ملک بھر میں کورونا وائرس کے کیسز کی مجموعی تعداد میں اضافہ دیکھنے میں آیا ہے جس کے بعد وفاقی حکومت نے قومی ادارہ صحت کو فعال کرنے کا فیصلہ کیا۔
وفاقی حکومت کی جانب سے کورونا وائرس سے بچاؤ کے لیے ملک بھر میں ایس او پیز پر بھی عمل درآمد کے لے سخت ہدایات جاری کردی گئی ہیں۔
وزیراعظم آفس سے جاری بیان میں کہا گیا ہے کہ وزیراعظم شہباز شریف نے کورونا وائرس کے بڑھتے ہوئے کیسز پر تشویش کا اظہار کرتے ہوئے پاکستان کے کورونا وائرس رسپانس فورم کو بحال کرنے کی ہدایات جاری کی ہیں۔
