عامر لیاقت کی سابقہ اہلیہ ان کی بیوہ پر برس پڑیں

معروف ٹی وی اینکر اور سیاست دان عامر لیاقت حسین کے انتقال کو 40 روز سے زائد گزر گئےتاہم ان کی موت کی وجہ تاحال سامنے نہیں آسکی ہے۔

عامر لیاقت حسین کے بچوں اور سابقہ اہلیہ بشریٰ اقبال نے  پوسٹ مارٹم کرانے سے انکار کردیا تھا تاہم ان کی تیسری اہلیہ  پوسٹ مارٹم کرانے کا مطالبہ لیکر ہائی کورٹ پہنچ گئی ہیں اور عدالت نے متعلقہ افراد کو نوٹس جاری کردیے ہیں۔

یہ بھی پڑھیے

ایف آئی اے مرحوم عامر لیاقت حسین کی بیوہ دانیہ شاہ کے سامنے بے بس

ڈاکٹر عامر لیاقت کے پوسٹ مارٹم کے خلاف طوبیٰ اور بشریٰ ایک پیچ پر آگئیں

عامر لیاقت کی سابقہ اہلیہ بشریٰ اقبال نے اس حوالے سے  مرحوم کی  بیوہ  دانیہ شاہ کو ان کا نام لیے بغیر تنقید کا نشانہ بنایا ہے۔انہوں نے  اپنے ٹوئٹ میں لکھا کہ  ایسی بھی کیا پیسے کا لالچ کہ جھوٹ اور الزامات کی بنیاد پر  کسی انسان کا جان مال عزت سب کھا جاؤ ۔

ایسی بھی کیا پیسے کی کالچ کہ جان مال عزت سب کھا جاؤ کسی انسان کا۔۔وہ بھی جھوٹ اور الزامات کی بنیاد پہ۔۔ دنیا کی عدالت میں انسان کتنے ہی جھوٹ بول لے لیکن اللہ کی عدالت میں زبان نہیں اعضاء بولیں گے، وہاں جب سی سی ٹی وی چلیں گے تو کوئی راہ فرار نہیں ملے گی۔#FearAllah #AllahKnowsAll

— Dr Bushra Iqbal🇵🇰 (@DrBushraIqbal) July 20, 2022

انہوں نے کہا کہ دنیا کی عدالت میں انسان کتنے ہی جھوٹ بول لے لیکن اللہ کی عدالت میں زبان نہیں اعضا بولیں گے، وہاں جب سی سی ٹی وی چلیں گے تو کوئی راہ فرار نہیں ملے گی۔انہوں نے اللہ سب جانتا ہے اور اللہ سے ڈرو کے ہیش ٹیگ بھی استعمال کیے۔