بارش سے لطف اندوز ہوتے کرکٹر فخر زمان عوامی تنقید کا نشانہ بن گئے

پاکستانی کرکٹ اسٹار فخرزمان نے دوستوں کے ہمراہ لاہور میں بارش کے لطف و مزے لیتے ہوئے اپنی تصویر سوشل میڈیا پر شیئر کی تو سوشل میڈیا صارفین نے جہاں ان کی تعریف کی تو کچھ لوگوں نے انہیں آڑے  ہاتھوں بھی لے لیا ۔

مائیکرو بلاگنگ سائٹ ٹوئٹر پر قومی بلے باز فخر زمان نے لاہور میں دوستوں کے ہمراہ بارش میں نہاتے ہوئے اپنی تصویر شیئر کی تو ان کے چاہنے والوں نے تعریفوں کے پل باندھ دیئے تاہم کچھ حساس دل رکھنے والے صارفین نے ان پر طنز بھی کیا ۔

یہ بھی پڑھیے

شاہد آفریدی اور محمد عامر کا بلوچستان میں بارشوں سے تباہ کاریوں پر اظہار افسوس

ایک صارف نے لکھا کہ لازمی تو نہیں بارشیں سب کے لیے لطف اندوز ہونے کا سبب نہیں ہوتی بلکہ کچھ مکانات پر بارشوں سے زیادہ  آنسو برستے ہیں۔ اس وقت بلوچستان اور جنوبی پنجاب میں  بارشوں کی وجہ سے بڑے پیمانے پر جانی و مالی نقصان ہوچکا ہے ۔

یہ لازمی تو نہیں کےبارشیں سب کیلۓ لطف اندوز ہوں
بعض مکامات پر بارشیوں سے زیادہ آنسو برستے ہیں۔
اس وقت بلوچستان اور جنوبی پنجاب میں لوگوں کا جانی و مالی بہت نقصان ہوا ہے۔
دعا ہے اللّہ پاک ہر کسی پر اپنا رحم فرماۓ

— Muhammad Humayun (@hamayun97974317) July 29, 2022

ایک ٹوئٹرصارف نے فخرزمان کو یاد دلاتے ہوئے کہا کہ بارشوں سے پیدا ہونے والی سیلابی صورتحال سے عوام کو جانی اورمالی نقصان ہورہا ہے۔ آپ پر طنز نہیں کررہا ہوں بلکہ  بس صرف بتارہا ہوں بارش متاثرین کے لیے بھی آواز اٹھالیں۔

Please 🙏 sailab men nuqsan hoa ha logon ka on k ley bhi koi awaz othaen Shukria. Tanz nhi kraha bs bata raha hn

— Hamid Ali Khan (@Hamidkhanbuner) July 29, 2022

سجاد اعوان نامی صارف نے لکھا  کہ تصویر تو اچھی آئی ہے مگرآپ لوگ متاثرین بارش اور سیلاب کے لیے فنڈ ریزنگ  کررہے ہوتے تو وہ زیادہ پرکشش نظر آتا ۔

Good click, but it would be more appealing if you guys were doing some fundraising for flood victims.

— Sajjad Awan (@SajjadAwan67) July 29, 2022

جانی زین نامی ٹوئٹر ہینڈل سے فخر زمان پر تنقید کرتے  ہوئے صارف نے لکھا کہ  ایسا نہ کرو یار۔ یہی پانی بلوچستان میں تباہی مچارہا ہے۔ آپ تصویریں کچھ دن بعد بھی لے سکتے ہیں۔ انہوں نے سب کی سلامتی کے لیے دعا بھی کی ۔

Na kero yaaro…..yrhi paani Balochistaan main tabahi macha raha hai…..tasweer kuch din baad laga laitay yahan…….ALLAH sub ko hifazat main rakhay…..

— Jony Zayn (@ZaynJony) July 29, 2022

واضح رہے کہ کچھ روز قبل شاہد آفریدی اور محمد عامر نے  بلوچستا ن سمیت ملک  بھر میں بارشوں سے ہونے والی تباہی کا افسوس کا اظہار کیا تھا ۔شاہد آفریدی نے فوری طور پر بلوچستان جانے کا بھی اعلان کیا تھا ۔

شاہد آفریدی نے سماجی رابطے کی سائٹ ٹوئٹر پربلوچستان میں بارشوں سے تباہی پر اپنے ایک پیغام میں کہا تھا کہ  بلوچستان میں آفت کا وقت ہے، یہ قوم کی آزمائش کا وقت ہے،  میں اپنے بچوں کا دکھ بانٹنے خود بلوچستان جارہا ہوں۔