سیلاب سے نمٹنے کے ناکامی اقدامات : انوشے اشرف کا بختاور بھٹو کو مدلل جواب

ملک میں تباہ کن بارشوں اور سیلاب کے لیے پیشگی اقدامات نہ کرنے پر وفاقی اور صوبائی حکومتوں کو شدید تنقید کا سامنا ہے۔ ۔سندھ میں برسراقتدار پیپلزپارٹی کے چیئرمین بلاول بھٹو زرداری کی ہمشیرہ بختاور بھٹو نے بارشوں اور سیلاب سے تباہی کی ذمے داری قدرت کے سر ڈالتے ہوئے ناقدین کو تنقید کا نشانہ بنایا تو ٹی وی اور ریڈیو کی معروف میزبان  انوشے اشرف نے مدلل جواب دیکر انہیں لاجواب کردیا۔

یہ بھی پڑھیے

امریکا میں ڈانس شوز کے ذریعے امداد جمع کرنے پر اداکارہ میرا کی تعریف

عمران خان کی ٹیلی تھون کیلیے پاکستانی فنکاروں کا بھرپور تعاون

بختاور بھٹو نے ایک ٹوئٹ میں  لکھا کہ سیلاب خراب حکمرانی کی وجہ سے نہیں  آتے۔جون سے جولائی سے تک بارشوں کے  کچھ نہ رکنے والے سلسلے جاری رہے اور اب بھی جاری ہیں۔ بند نالوں کی وجہ سے نہیں بلکہ بڑے پیمانے پر ہونے والی بارشوں کے باعث  شہر زیر آب ہیں۔سندھ سب سے زیادہ متاثر ہوا ہے، لاکھوں ا فراد کی زندگیاں  متاثر ہوئی ہیں۔انہوں نے ناقدین کو مشورہ دیا کہ یا تو مدد کریں یا خاموش رہیں۔

#Floods are NOT caused by bad governance. #Rain spells since June with some non stop since July & still continue. NOT due to blocked drains but sheer volume – cities are under water. #Sindh hit the worst. Affected the lives of millions – either help contribute or stay silent.

— Bakhtawar B-Zardari (@BakhtawarBZ) August 26, 2022

  انوشے اشرف نےبختاور بھٹو کا نام لیے بغیر تنقید کا نشانہ بناتے ہوئے  اپنی انسٹاگرام  اسٹوری میں لکھا کہ سیلاب بری حکمرانی کے باعث نہیں آتے لیکن اچھی حکمرانی کے ذریعے بہت سے نقصانات کو روکا جاسکتا ہے۔یہ بیان حد سے زیادہ استحقا ق رکھتا ہے۔کسی کا ذمے داری نہ لینا حیران کن ہے، دوسرے ملکوں میں اپنے شہریوں کو اس حالت میں دیکھ کر مستعفی ہوجاتے ۔انہوں نے حکومتی رویے کو شرمناک قرار دیا۔

 انہوں نے مزید لکھاکہ سب یہ باور کرارہے ہیں   کہ موجودہ حالات پر ہمیں کتنا افسوس ہے اور ہم اپنی پوری کوشش کیسے کر رہے ہیں۔ لیکن لہجہ اتنا  جارحانہ ہے۔ زبردست۔