عمران خان کی احتجاج کی تنبیہہ: حکومت منتخب سینیٹر کے گھر گھس گئی

سابق وزیراعظم اور چیئرمین تحریک انصاف عمران خان کی ستمبر کی کال کے اعلان کے فوری بعد  فیڈرل انویسٹی گیشن ایجنسی (ایف آئی اے) نے پی ٹی آئی کے سینیٹر سیف اللہ نیازی کے گھر پر چھاپہ مار کارروائی کرتے ہوئے ان کے لیب ٹاپ سمیت دیگر اشیاء کو تحویل میں لے لیا۔

گزشتہ روز بنی گالہ میں صحافیوں سے بات چیت کرتے ہوئے چیئرمین تحریک انصاف عمران خان نے کہا تھا کہ حکومت کے خلاف احتجاج کی کال کا فیصلہ کرلیا ہے ، اور یہ زیادہ دور نہیں ، رواں مہینے میں ہی احتجاج کی کال دی جائے گی۔

یہ بھی پڑھیے

وزیراعظم شہبازشریف کی جہازی کابینہ نے تمام سابق حکومتوں کے ریکارڈ توڑ ڈالے

ٹرین آپریشن کی معطلی سے ریلوے کو یومیہ 16 کروڑ روپے نقصان ہورہا ہے، سعد رفیق

سربراہ تحریک انصاف کا کہنا تھا ملک پر مسلط چوروں کی حکومت مجھے راستے سے ہٹانا چاہتی ہے، ہم سڑکوں پر آکر زبردستی الیکشن کرائیں  گے ، اگر انہوں نے شفاف الیکشن نہ کرائے اور الیکشن چوری کرنے کی کوشش کی تو لوگ سڑکوں پر ہوں۔

نواز شریف سے متعلق گفتگو کرتے ہوئے عمران خان  کا کہنا تھا کہ اگر نواز شریف ملک میں واپس آیا تو ایسا تاریخی استقبال کریں گے کہ یہ لوگ یاد ہی رکھیں گے۔

عمران خان کے بیان کے بعد حکومت دباؤ میں آگئی اور وزارت داخلہ کے حکم پر ایف آئی اے نے سینیٹر سیف اللہ نیازی کے گھر پر چھاپہ ماردیا ۔

چھاپے کے دوران ایف آئی اے حکام سیف اللہ نیازی کا لیب ٹاپ ، موبائل فون اور ان کی اہلیہ کا موبائل بھی ساتھ لے گئے ، اس کے علاوہ دیگر دستاویزات بھی اپنے ساتھ لے گئے۔

سینیٹر سیف اللہ نیازی پاکستان تحریک انصاف کے سیٹنگ سینیٹر ہیں اور ان پر کسی قسم کا کوئی مقدمہ درج نہیں ہے ، پھر ایف آئی اے والوں نے ان کے گھر پر چھاپہ مار کارروائی کی۔

سینیٹر سیف اللہ نیازی کے گھر پر ایف آئی اے کے چھاپے کی مذمت کرتے ہوئے پی ٹی آئی کے سربراہ عمران خان نے سماجی رابطوں کی ویب سائٹ ٹوئٹر پر پیغام جاری کرتے ہوئے لکھا ہے کہ "ایک طرف امپورٹڈ حکومت ہمیں سیلاب کی وجہ سے سیاست کرنے سے باز رہنے کا مشورہ دی رہی ہے اور دوسری طرف وہ ہمیں ہراساں کررہی ہے اور ہمارے خلاف جھوٹے مقدمات میں اضافہ کررہی ہے ، ہماری سوچ کو اجاگر کرنے والے صحافیوں پر ظلم کررہی ہے ، ٹی وی چینلز اور یوٹیوب پر میری کوریج کو بند کررکھا ہے۔”

On the one hand Imported govt telling us to stop doing politics bec of floods & on the other hand they are increasing their level of harassment & false cases against us, persecuting journalists who give our views a voice, suspending TV channels & YouTube to prevent my coverage.

— Imran Khan (@ImranKhanPTI) September 13, 2022

انہوں نے مزید لکھا ہے کہ "ان کی مایوسی اور بڑھ رہی ہے ، کیونکہ سیلاب سے نجات کے لیے ہمارے ٹیلی تھون کو بلیک آؤٹ کر دیا۔ آج سینیٹر سیف نیازی کے گھر پر چھاپہ مارا اور ان کا سیل فون اور کمپیوٹر چھین لیا گیا۔ امپورٹڈ حکومت اور ہینڈلرز ہمیں دیوار سے لگا رہے ہیں۔ میں انہیں خبردار کر رہا ہوں کہ اس کے نتائج انہیں بھگتنا پڑیں گے۔”

دوسری جانب پی ٹی آئی رہنما فواد چوہدری نے سینیٹر سیف اللہ نیازی کے گھر پر چھاپے کی مذمت کرتے ہوئے اپنے ٹیوٹر اکاؤنٹ پر لکھا ہے کہ "سیف اللہ نیازی ایک سینیٹر ہیں اس طرح ان کے گھر پر چھاپہ مارنا لیپ ٹاپ اور فون اٹھا کر لے جانا اور ہراساں کرنا اس نام نہاد حکومت کا ایک اور کارنامہ ہے ، اس زیادتی کی شدید مذمت کرتے ہیں چیئرمین سینٹ اور متعلقہ اداروں کو اس ضمن میں فوری ایکشن لینا چاہئے۔”

سیف اللہ نیازی ایک سینیٹر ہیں اس طرح ان کے گھر پر چھاپہ مارنا لیپ ٹاپ اور فون اٹھا کر لے جانا اور ہراساں کرنا اس نام نہاد حکومت کا ایک اور کارنامہ ہے اس زیادتی کی شدید مذمت کرتے ہیں چیئرمین سینٹ اور متعلقہ اداروں کو اس ضمن میں فوری ایکشن لینا چاہئے https://t.co/JtI9OFXps9

— Ch Fawad Hussain (@fawadchaudhry) September 13, 2022

سینیٹر سیف اللہ نیازی کے گھر پر چھاپے کے حوالے سے اپنا موقف دیتے ہوئے ایف آئی اے سائبر کرائم ونگ کے حکام کا کہنا ہے کہ سیف اللہ نیازی کے گھر اور آئی نائن ٹو میں واقع ان کے دفتر پر سرچ وارنٹ کے ساتھ چھاپہ مارا گیا تھا۔

ایف آئی اے حکام کے مطابق سینیٹر سیف اللہ نیازی ، آفتاب احمد جان ، بلال خان اور دیگر افراد آئی نائن ٹو میں واقع دفتر میسرز ٹائیل ماؤٹین میں نامنظور نامی ڈاٹ کام نامی ویب سائٹ چلا رہے تھے ، ویب سائٹ کو غیرقانونی فنڈنگ کے لیے استعمال کیا جارہا تھا۔

حکام کے مطابق سرچ وارنٹ جوڈیشل مجسٹریٹ اسلام آباد سے حاصل کیا تھا جس میں سرچ و الیکٹرانک ڈیوائس تحویل میں لینے کی اجازت بھی لی گئی تھی۔