ڈیفالٹ کے خطرات: پاکستان کو سال کے آخر تک یورو بانڈز پر 80 فیصد منافع دینا پڑے گا

پاکستان ڈیفالٹ کے خطرات میں اضافہ ہوگیا ہے۔ اسلام آباد کو رواں سال کے آخر تک یورو بانڈزکے منافع کی مد میں 80 فیصد پروفٹ دینا پڑے گا جبکہ سال کے آغاز میں منافع کے شرح 6 فیصد تھی ۔

معاشی تجزیہ نگار سمیع اللہ طارق نے ایک چارٹ کے ذریعے یورو بانڈز کے منافع کی شرح میں اضافے سے متعلق بتایا۔ انہوں نے کہا کہ رواں سال کے آخر تک یہ منافع کی شرح 80 فیصد تک پہنچ جائے گی ۔

یہ بھی پڑھیے

پاکستانی یورو بانڈ پر شرح منافع 19 فیصد، دیوالیہ ہونے کا خطرہ بڑھ گیا، بلومبرگ

انہوں نے ٹوئٹر پراپنے ایک پیغام میں بتایا کہ ہم نے ڈیفالٹ کو محفوظ کر لیا ہے۔ فروری،مارچ2022میں اور ابھی یورو بانڈ کی پیداوار چیک کریں۔ یہ واضح ہے۔ نہیں؟۔

We have saved the default. Check Eurobond yields in Feb-Mar-22 and right now. It's evident. No? pic.twitter.com/wytNBJVKGH

— Samiullah Tariq (@samigodil) October 12, 2022

واضح رہے کہ رواں سال مئی میں بلوم برگ نے پاکستانی یورو بانڈ پر شرح منافع 19 فیصد تک پہنچنے پر ملک  کے دیوالیہ ہونے کے  خطرات ظاہر کیے تھے ۔

امریکی خبر رساں ادارے بلومبرگ نے پاکستانی معیشت کے حوالے سے خطرناک اعداد و شمار جاری کرتے ہوئے سنگین خدشات کا اظہا رکیا تھا ۔

بلوم برگ کا کہنا ہے کہ پاکستان یوروبونڈ 2024 پر شرح منافع 19 فیصد تک پہنچ گئی ہے۔تحریک عدم اعتماد پر ووٹنگ یا 8 مارچ کے بعد پاکستانی بانڈز پر منافع میں اضافہ ہونا شروع ہوا۔

بلوم برگ کے مطابق پی ٹی آئی حکومت کے اختتام پر پاکستانی یورو بانڈ پر منافع 6 فیصد تھا،پاکستانی قرضے پچھلی حکومت کے مقابلے میں اب تین گنا مہنگے ہوگئے۔ بلوم برگ کا کہنا ہے کہ بانڈ کی زیادہ شرح منافع ڈیفالٹ کا خطرہ بڑھا دیتی ہے۔