بزرگ صحافی چوہدری غلام حسین 11سال پرانے مقدمے میں گرفتار
چوہدری غلام حسین کو ایف آئی اے نے لاہور سے گرفتار کیا، ملزم پر جعلی دستاویزات کے عوض بینک سے 5 کروڑ 70 لاکھ روپے قرض لینے کا الزام ہے، ترجمان ایف آئی اے: پی ٹی آئی رہنماؤں فواد چوہدری، شہباز گل و دیگر کی مذمت
وفاقی تحقیقاتی ادارے (ایف آئی اے) نے لاہور میں کارروائی کرتے ہوئے اے آر وائی نیوز سے وابستہ بزرگ صحافی 75سالہ چوہدری غلام حسین کو 11 سال پرانے مقدمے میں گرفتار کرلیا۔
ایف آئی اے کے ترجمان کے مطابق چوہدری غلام حسین کو ایف آئی اے نے لاہور سے گرفتار کر لیا ہے، ان پر جعلی دستاویزات کے عوض بینک سے 5 کروڑ 70 لاکھ روپے قرض لینے کا الزام ہے۔
یہ بھی پڑھیے
اعظم سواتی خود پر تشدد کرنے والے ایف آئی اے حکام کے خلاف سپریم کورٹ پہنچ گئے
پی ٹی آئی کا ایف آئی اے کو تحقیقات سے روکنے کیلیے ہائی کورٹ سے رجوع
ایف آئی اے کے ترجمان کےمطابق بزرگ اینکر کو ایف آئی اے لاہور نے حسین چوک کے قریب سےگرفتارکیا ہے، چوہدری غلام حسین کمرشل بینکنگ سرکل کو مطلوب تھے۔
ترجمان کے مطابق ملزم نے جعلی دستاویزات کےعوض بینک سے 5 کروڑ 70 لاکھ روپے کا قرض لیا تھا، مقدمے میں چوہدری غلام حسین کے 2 بیٹے بھی اشتہاری ہیں۔
ایف آی اے کے ترجمان کے مطابق بینکنگ کورٹ نے مقدمے میں ملزم کے دائمی وارنٹ گرفتاری جاری کیے تھے۔
Strongly condemn arrest of Ch Ghulam Hussain, چوہدری صاحب بزرگ صحافی ہیں کوئ شرم لحاظ ہونی چاہئے، اس طرح کا جبر پاکستان کی تاریخ میں نہیں دیکھا https://t.co/2QI5wTGe34
— Ch Fawad Hussain (@fawadchaudhry) October 27, 2022
سابق وفاقی وزیر فواد چوہدری، شہبازگل سمیت تحریک انصاف کے کئی رہنماؤں نے بزرگ صحافی کی گرفتاری کی مذمت کی ہے۔فواد چوہدری نے اپنے مذمتی ٹوئٹ میں لکھا کہ چوہدری غلام حسین کی گرفتاری کی شدید مذمت کرتا ہوں، چوہدری صاحب بزرگ صحافی ہیں، کوئی شرم لحاظ ہونی چاہیے، اس طرح کا جبر پاکستان کی تاریخ میں نہیں دیکھا۔
چوہدری غلام حسین کے بیٹے کے مطابق ان کے والد جو کہ ایک بزرگ صحافی ہیں ان کو ایک 12 سال پرانی FIR میں 20 سے 25 لوگ اٹھا کر لے گئے۔
یہ بہت افسوسناک خبر ہے۔ وہ بزرگ ہیں اور ان کی صحت جے مسائل ہیں۔ اللہ ان کو اپنے امان میں رکھے۔ صحافی برادری پر مشکل وقت ہے۔
— Dr. Shahbaz GiLL (@SHABAZGIL) October 27, 2022
شہباز گل نے اپنے ٹوئٹ میں لکھاکہ یہ بہت افسوسناک خبر ہے۔ وہ بزرگ ہیں اور ان کی صحت جے مسائل ہیں۔ اللہ ان کو اپنے امان میں رکھے۔ صحافی برادری پر مشکل وقت ہے۔
آج ہی ارشد شریف کو دفن کیا گیا ایف آئی اے والے ایک دن انتظار کر لیتے تو کوئی حرج نہیں تھا https://t.co/k3DBvLkxvv
— Hamid Mir (@HamidMirPAK) October 27, 2022
سینئر صحافی اور اینکر پرسن حامد میر نے اپنے ٹوئٹ میں لکھا کہ آج ہی ارشد شریف کو دفن کیا گیا ایف آئی اے والے ایک دن انتظار کر لیتے تو کوئی حرج نہیں تھا۔
