ارشد شریف کے بعد سینئر صحافی معید پیرزادہ بھی ملک چھوڑ گئے
اینکر پرسن معید پیرزادہ نے کہا ہے کہ "میں آپ کو اطمینان دلاتا ہوں کہ میں کینیا میں نہیں ہوں ، میں یونائیٹڈ کنگڈم (یو کے) میں محفوظ مقام پر موجود ہوں۔"
پاکستان کے سینئر صحافی اور اینکر پرسن معید پیرزادہ بیرون ملک روانہ ہو گئے ، صحافتی حلقوں کا کہنا ہے کہ اللہ تعالیٰ معید پیرزادہ کو اپنی حفاظت میں رکھے کیونکہ اس کے قبل سینئر صحافی اور اینکر پرسن ارشد شریف کو گولی مار کر شہید کردیا گیا تھا۔
نیوز 24 سے منسلک صحافی اور رپورٹر عمران افضل راجہ نے سماجی رابطوں کی ویب سائٹ ٹوئٹر پر اینکر پرسن معید پیرزادہ کا ویڈیو پیغام شیئر کیا ہے۔
یہ بھی پڑھیے
توشہ خانہ کیس میں عمران خان کی نااہلی کے خلاف درخواست سماعت کے لیے مقرر
پی ٹی آئی کے منحرف رکن سابق ڈپٹی اسپیکر دوست مزاری کو گرفتار کرلیا گیا
ٹوئٹر پر جاری ہونے والے ویڈیو پیغام میں سینئر صحافی معید پیرزادہ نے کہا ہے کہ "اسلام و علیکم معید پیرزادہ بات کررہا ہوں۔ میں چار روز کے بعد یوٹیوب وی لاگ کی جانب واپس آیا ہوں۔”
Moeed Pirzasa left Pakistan.
Alarming situation.
کیا کسی نے ان کو خبر کی؟ pic.twitter.com/qYsJ8VG7QY— Imran Afzal Raja®️عمران افضل راجہ (@ImranARaja1) October 29, 2022
انہوں نے اپنے پیغام میں انکشاف کیا کہ "میں پاکستان میں نہیں ہوں ، میں سفر کررہا ہوں ، اور میری لوکیشن مسلسل تبدیل ہورہی ہے۔’
سینئر صحافی اور اینکر پرسن معید پیرزادہ نے مزید کہا ہے کہ "میں آپ کو اطمینان دلاتا ہوں کہ میں کینیا میں نہیں ہوں ، میں یونائیٹڈ کنگڈم (یو کے) میں محفوظ مقام پر موجود ہوں۔”
معید پیرزادہ کے ویڈیو پیغام پر ردعمل دیتے ہوئے نوشین اعوان نامی ٹوئٹر صارف نے لکھا ہے کہ "کینیا ہو یا یوکے اللہ ظالموں سے بچا کے رکھے۔آمین۔”
کینیا ہو یا یوکے اللہ ظالموں سے بچا کے رکھے آمین
— نوشین اعوان (@nousheen_) October 29, 2022
اقرا نامی ٹوئٹر صارف نے لکھا ہے کہ "اللہ آپ کو اپنی حفاظت میں رکھے۔”
Be careful
May Allah keep you safe— I Q ر A 🌸 (@DIMPLEDOLL8) October 29, 2022
