دی لیجنڈآف مولاجٹ نے 150کروڑ کمالیے، برطانیہ میں برہمسترا کو بھی پچھاڑ دیا
فلم دی لیجنڈ آف مولاجٹ نے برطانیہ میں 1.045ملین پاؤنڈ کا بزنس کرکے 1.036ملین پاؤنڈ کمانے والی بھارت کی سب سے مہنگی فلم برہمسترا کو بھی پیچھے چھوڑ دیا۔
فوادخان اور حمزہ علی عباسی کی شاہکار پنجابی فیچر فلم” دی لیجنڈ آف مولاجٹ“نے 150 کروڑ روپے سے زائد کا کاروبار کرنے والی پہلی پاکستان فلم ہونے کا اعزاز حاصل کرلیا۔
دی لیجنڈ آف مولاجٹ یوکے باکس آفس پر آر آر آر کے بعد بھارت کی تاریخ کی سب سے مہنگی فلم برہمسترا کو بھی پیچھے چھوڑنے میں کامیاب ہوگئی ہے۔
یہ بھی پڑھیے
دی لیجنڈ آف مولا جٹ کا برطانیہ میں کھڑکی توڑ بزنس، آر آر آر کو پچھاڑ دیا
بھارتی فلمساز کرن جوہر بھی دی لیجنڈ آف مولا جٹ کے مداح نکلے
فلم کے ٹوئٹر ہینڈل نے دعویٰ کیا ہے کہ دنیا بھر کے باکس آفس پر طوفان برپا کرتے ہوئے دی لیجنڈ آف مولا جٹ نے پاکستانی سینما کے لیے 150 کروڑ کا نیا ریکارڈ قائم کر دیا۔
Taking the worldwide box office by storm, The Legend of Maula Jatt sets a new record for the Pakistani cinema with 150 Crore! 🤩#TheLegendOfMaulaJatt is screening in all cinemas across Pakistan now, book your tickets today!#MaulaJatt2022 pic.twitter.com/J6HiHVvj2W
— The Legend of Maula Jatt (@MaulaJattMovie) November 1, 2022
ہدایت کار بلال لاشاری نے اس خوشخبری کو اپنے انسٹاگرام پر شیئر کرتے ہوئے لکھاکہ تم نے کردکھایا۔
View this post on Instagram
اپنی ریلیز کے 20 دنوں سے بھی کم عرصے میں دی لیجنڈ آف مولا جٹ برطانیہ کے باکس آفس پر کامیاب ترین فلموں کو پسپا کرنے میں کامیاب ہو گئی ہے۔ اس سے پہلے ماہرہ خان اور فواد خان کے شاہکارنے برطانیہ کے باکس آفس پر مقبول ترین بھارتی فلم آر آر آر کوپچھاڑ دیا تھا ۔
In UK #TheLegendofMaulaJatt has crossed the lifetime Box Office of RRR.
— Bilal Lashari (@blashari) October 30, 2022
اور اب عمارہ حکمت کی یہ شاہکار فلم بھارتی ہدایت کارایان مکھرجی کی کی فلم برہمسترا کو بھی پیچھے چھوڑنے میں کامیاب ہو گئی ہے جس میں رنبیر کپور اور عالیہ بھٹ نے مرکزی کردار ادا کیا تھا۔
باکس آفس کے اعداد و شمار کے مطابق فلم دی لیجنڈ آف مولاجٹ نے برطانیہ میں 1.045ملین پاؤنڈ کا بزنس کرکے 1.036ملین پاؤنڈ کا کاروبار کرنے والی برہمسترا کو بھی پیچھے چھوڑ دیا ہے۔
رواں ہفتے کے آغاز میں فلم سازوں نے اعلان کیا تھا کہ فلم نے عالمی سطح پر 100 کروڑ روپے سےزائد کا کاروبار کرلیا ہے ۔دی لیجنڈ آف مولا جٹ میں فواد خان، ماہرہ خان، حمزہ علی عباسی، حمائمہ ملک، گوہر رشید اور فارس شفیع نے اہم کردار ادا کیے ہیں۔
