ایف آئی اے  کی پھرتیاں، اعظم سواتی کی وڈیو کا فوری فارنزک، جعلی بھی قرار دے دی

فیڈرل انویسٹی گیشن ایجنسی (ایف آئی اے ) نے پھرتیاں دکھاتے ہوئے پاکستان تحریک انصاف (پی ٹی آئی ) کے سینیٹر اعظم سواتی سے منسوب سوشل میڈیا پر گردش کرتی وڈیو کو جعلی قرار دے دیا ہے ۔

وفاقی تحقیقاتی ادارے (ایف آئی اے) کے جاری کردہ اعلامیہ کے مطابق سوشل میڈیا پر تحریک انصاف (پی ٹی آئی )کے سینیٹر اعظم سواتی سے منسوب گردش کرتی وڈیو جعلی ہے ۔

یہ بھی پڑھیے

میری اور اہلیہ کی مبینہ ویڈیو بیٹی کو فارورڈ کی گئی، اعظم سواتی رو پڑے

ایف آئی اے کے اعلامیہ میں کہا گیا ہے کہ انٹرنیٹ پر پھیلائی جانے والی پی ٹی آئی کے سینیٹر اعظم سواتی سے منسوب ویڈیو اور آڈیو کا تفصیلی تجزیہ کیاگیا ہے ۔

اعظم سواتی سے منسوب وڈیو کا عالمی معیار کے مطابق فریم ٹو فریم فارنزک تجزیے کے بعد یہ بات ثابت ہوتی ہے کہ وہ وڈیو جعلی ہے جوکہ مختلف کلپ جوڑکر بنائی گئی ہے ۔

ایف آئی اے اعلامیہ میں بتایا گیا ہے کہ وڈیو کے فارنزک سے واضح ہوتا ہے کہ ویڈیو میں ایڈیٹڈ کی گئی ہے۔ مختلف وڈیوز اور چہروں کو استعمال کرکے وڈیو بنائی گئی ہے ۔

وفاقی تحقیقاتی ادارے (ایف آئی اے) کے اعلامیے میں کہا گیا ہے کہ اعظم سواتی  تحریری درخواست جمع کروائیں اور اپنے تحفظات سے آگاہ کریں  تاکہ تحقیقات کی جائے ۔

 وفاقی تحقیقاتی ادارے نے کہا ہے کہ وڈیو کا مقصد بظاہر سینیٹر اعظم سواتی کو بدنام کرنا ہے اور اسی مقصد کے لیے ان کی وڈیو سوشل میڈیا پر وائرل کی جارہی ہے ۔

یاد رہے کہ تحریک انصاف کے  سینیٹر اعظم سواتی  نے پریس کانفرنس کرتے ہوئے الزام عائد کیا تھا کہ  میری اور اہلیہ کی نازیبا وڈیو نامعلوم نمبر  سے مجھے بھیجی گئی ۔

Shocking details of what happened last night to Azam Swati and his family being stated by @AzamKhanSwatiPk himself 1/2 pic.twitter.com/gdLpAW30qe

— PTI (@PTIofficial) November 5, 2022

انہوں نے بتایا تھا کہ وڈیو کوئٹہ سپریم کورٹ جوڈیشل لاجز میں قیام کے دووران کی ہے۔ وڈیو ریلیز ہونے کے بعد میری اہلیہ اور دیگر اہلخانہ ملک چھوڑ کرجاچکے گئے ہیں۔

پی ٹی آئی رہنما اسد عمر نے کہا کہ جو اعظم سواتی کے ساتھ ہو رہا اس سے زیادہ ظلم کسی انسان کے ساتھ نہیں ہوسکتا ہے۔ چیف جسٹس انصاف کریں گے یا قانون اور انصاف کے دروازے بند ہیں؟۔

Question is how did @GFarooqi and @HamidMirPAK get access to this video? It’s not on the dark web or any other platform as of yet. Is a certain Brigadier drafting tweets for certain anchors? https://t.co/2FFSNpKuz8

— Sayed Z Bukhari (@sayedzbukhari) November 5, 2022

زلفی بخاری نے سوال اٹھایا کہ غریدہ فارقی اور حامد میر کو اعظم سواتی کی وڈیو تک رسائی کیسے ملی ۔ وڈیو ڈارک ویب سمیت کسی پلیٹ فارم پر نہیں ہے۔ کیا ایک مخصوص بریگیڈیئر مخصوص اینکرز کے لیے ٹویٹس تیار کر رہا ہے؟

جو اعظم سواتی کے ساتھ ہو رہا اس سے زیادہ ظلم کسی انسان کے ساتھ نہیں ہو سکتا. کیا چیف جسٹس انصاف کریں گے یا قانون اور انصاف کے دروازے بند ہیں؟

— Asad Umar (@Asad_Umar) November 5, 2022

دوسری جانب تجزیہ کاروں کا کہنا ہے کہ اعظم سواتی سے منسوب وڈیو کے فارنزک میں ایف آئی اے نے پھرتیاں دکھائیں ہیں حالانکہ دیگر بہت سے معاملات پر وہ تاحال تحقیقات نہیں کررہے ہیں ۔