بغیر وضاحت نقالی کرنے والے ٹوئٹر ہینڈل مستقل بلاک ہونگے، ایلون مسک
ٹوئٹر اکاؤنٹ کے نام کی تبدیلی پر بلیو ٹک بھی عارضی طور ختم ہوجائے گا، ٹوئٹر کے نئے مالک نے خبردار کردیا
مائیکرو بلاگنگ ویب سائٹ ٹوئٹر کے نئے مالک ایلون مسک نے کمپنی کا انتظام سنبھالنے کے بعد پالیسی میں پہلی واضح تبدیلی کا اعلان کردیا۔
ایلون مسک نے صارفین کو بغیر وضاحت نقالی کرنے والے ٹوئٹر ہینڈلز کی بغیرانتباہ مستقل معطلی اور نام کی تبدیلی پر بلیو ٹک بھی عارضی طور ختم ہوجائے گا۔
یہ بھی پڑھیے
معروف ڈیجیٹل کمپنیوں نے ہزاروں ملازمین کو فارغ کرنے کا بگل بجا دی
اخراجات میں کمی کیلیے ٹوئٹر سے چھانٹیاں شروع، اضافی سرورز کے خاتمے پر غور
ایلون مسک نے ٹوئٹر صارفین کو خبردار کیا ہے کہ بغیر وضاحت نقالی کرنے والے ٹوئٹر ہینڈلز کو بغیر انتباہ کے مستقل طور پر معطل کردیا جائے گا ۔
Going forward, any Twitter handles engaging in impersonation without clearly specifying “parody” will be permanently suspended
— Elon Musk (@elonmusk) November 6, 2022
انہوں نے مزید کہا کہ ماضی میں ہم اکاؤنٹ کو معطل کرنے سے پہلے ایک انتباہ جاری کرتے تھے، اب ہم بڑے پیمانے پر تصدیق کا عمل شروع کررہے ہیں اور کوئی انتباہ جاری نہیں کریں گے۔
Any name change at all will cause temporary loss of verified checkmark
— Elon Musk (@elonmusk) November 6, 2022
انہوں نے خبردار کیا کہ نام تبدیل کرنے پر اکاؤنٹ کے تصدیق شدہ ہونے کا نشان عارضی طور پر غائب ہوجائے گا۔واضح رہے کہ ایلون مسک کیجانب سے گزشتہ ماہ 44 ارب ڈالر میں ٹوئٹر خریدنے کے بعد بڑے پیمانے پر انتظامی تبدیلیاں کی گئی تھیں۔
ایلون مسک نے ٹویٹر کا انتظام سنبھالتے ہی سی ای او پراگ اگروال سمیت بیشتر سینئرافسران کو برطرف کردیا تھا جبکہ گزشتہ ہفتے کمپنی کے 7500 ملازمین میں سے تقریباً نصف کو ملازمت سے برخاست کر دیا تھا۔
