ایم کیو ایم پاکستان کا خواتین کنونشن فلاپ شو نکلا
ڈاکٹر خالد مقبول صدیقی کی زیرقیادت ایم کیو ایم پی نے کراچی کے نشتر پارک میں خواتین کا کنونشن منعقد کیا جو فلاپ شو ثابت ہوا۔
ڈاکٹر خالد مقبول صدیقی کی زیر قیادت متحدہ قومی موومنٹ پاکستان (ایم کیو ایم پی) جانب سے کراچی کے نشتر پارک میں خواتین کا کنونشن منعقد کیا گیا جو کہ فلاپ شو ثابت ہوا۔
ایم کیو ایم پی کی موجودہ قیادت خواتین کا ایک بڑا ہجوم اکٹھا کرنے میں بری طرح سے ناکا رہی ، جبکہ ماضی میں یہی جماعت ہزاروں کی تعداد میں خواتین کا پاور شو کیا کرتی تھی۔
یہ بھی پڑھیے
عمران خان عوامی مقبولیت کھوچکے ہیں، سلیمان شہباز کا دعویٰ
وزیراعلیٰ پنجاب سے تلخ کلامی کے بعد سردار حسنین بہادر وزارت سے مستعفی
کئی دھڑوں میں بٹی ہوئی سیاسی جماعت کے لیے اس بار بڑی تعداد میں کارکنوں کو جمع کرنا مشکل دکھائی دے رہا تھا۔
کنونشن سے ڈاکٹر خالد مقبول صدیقی، خواجہ اظہار الحسن، نسرین جلیل، کشور زہرہ اور دیگر نے خطاب کیا۔
کنونشن سے خطاب کرتے ہوئے خالد مقبول صدیقی نے کہا کہ 2012 کے بعد خواتین کا یہ بڑا تاریخی اجتماع ہے، ایم کیو ایم کو کوئی ختم یا توڑ نہیں سکتا۔
اے میرے اللہ تیرا لاکھ لاکھ شکر ہے#MQMKhawateenConvention pic.twitter.com/DoamGH2MbS
— Kamran Akhter (@KamranAkhterMQM) December 18, 2022
حکومت پر تنقید کرتے ہوئے خالد مقبول صدیقی کا کہنا تھا کہ کچھ عناصر نے کراچی کی تاریخی حیثیت کو تبدیل کے معیشت کو تباہ کردیا۔
ایم کیو ایم پاکستان کے سینئر رہنما خواجہ اظہار الحسن کا کہنا تھا کراچی کی اگلی میئر ایم کیو ایم کی خاتون ہوں گی۔ انہوں نے مزید کہا کہ جو لوگ ایم کیو ایم کو ختم کرنے آئے تھے آج ان کے نام اور نشانات ختم ہو گئے ہیں۔
نسرین جلیل نے اپنے خطاب میں کہا کہ پاکستان پیپلز پارٹی (پی پی پی) اور پاکستان تحریک انصاف (پی ٹی آئی) نے کراچی میں کام کیوں نہیں کیا۔ انہوں نے کہا کہ پیپلز پارٹی کے ساتھ ہمارے بہت مسائل تھے، ہمارے لوگ ناراض تھے کہ انہوں نے ان کے ساتھ معاہدہ نہیں کیا، شاید ہمارے لوگ صحیح تھے، پیپلز پارٹی اپنے وعدے پورے نہیں کر رہی۔
کنونشن سے ایم این اے کشور زہرہ، ایم کیو ایم کے رہنما خوش بخت شجاع اور دیگر نے بھی خطاب کیا۔
تاہم ناقدین نے جب خالد مقبول صدیقی خطاب کررہے تھے تو پنڈال میں خالی نشستوں کی ویڈیوز سوشل میڈیا پر پوسٹ کیں اور ایم کیو ایم کے خواتین کنونشن کو قیادت کی سیاسی ناکامی قرار دیا ہے۔
خالد مقبول صدیقی کا خالی کرسیوں سے خطاب ایم کیو ایم کی عوامی مقبولیت کا منہ بولتا ثبوت ہے،
مہاجر ماؤں ،بہنوں اور بیٹیوں کا جلسے کا بائیکاٹ کرنے پر مہاجر قوم خراج تحسین کی مستحق ہے#karachi_bycot_MQM pic.twitter.com/G73ZOCH2JM— عظیم احمد میمن (@AzeemAhmedMemon) December 18, 2022
MQM china failed to gather women of karachi .
Womens of karachi boycotted MQM china and PPP jalsa on instructions of Real MQM pic.twitter.com/Ny0t0rhhfY— Abbas Raza (@Abbas_Raza1_) December 18, 2022
ایم کیو ایم لندن کے رہنما مصطفیٰ عزیزآبادی نے 19 فروری 2012 کو باغ جناح میں منعقدہ متحدہ قومی موومنٹ کی خواتین کے جلسے کی تصویر ٹوئٹر پر شیئر کی جس سے بانی الطاف حسین نے خطاب کیا تھا۔
باپ کے جوتے میں پیر ڈال کر خود کو باپ سمجھنے والو !
آنکھیں کھول کر دیکھو خواتین کا تاریخی جلسہ اسےکہتے ہیں۔
19 فروری 2012
بمقام باغ جناح مزار قائد اعظم کراچی۔
یاد رہے کہ یہ صرف MQM کی خواتین کا جلسہ تھا جس میں شریک لاکھوں خواتین اپنے محبوب لیڈر الطاف حسین کو سننے آئی تھیں pic.twitter.com/vnMvbB0vTE— Mustafa Azizabadi (@azizabadi) December 18, 2022
مصطفیٰ عزیزآبادی لکھتے ہیں کہ ” باپ کے جوتے میں پیر ڈال کر خود کو باپ سمجھنے والو ! آنکھیں کھول کر دیکھو خواتین کا تاریخی جلسہ اسےکہتے ہیں۔ 19 فروری 2012 ، بمقام باغ جناح مزار قائد اعظم کراچی۔ یاد رہے کہ یہ صرف MQM کی خواتین کا جلسہ تھا جس میں شریک لاکھوں خواتین اپنے محبوب لیڈر الطاف حسین کو سننے آئی تھیں۔”
