اسحاق ڈار نے آئی ایم ایف سے معاہدے کی ایک اور نئی تاریخ دے دی
وفاقی وزیر خزانہ اسحاق ڈار نے کہا کہ اگلے ہفتے انٹرنیشنل مانیٹری فنڈ (آئی ایم ایف) سے اسٹاف لیول معاہدہ طے پا جائے گا، انہوں نے بتایا کہ پاکستان اور آئی ایم ایف کےدرمیان آج سے ورچوئل مذاکرات دوبارہ شروع ہوں گے
![اسحاق ڈار آئی ایم ایف](https://news360.tv/wp-content/uploads/2023/01/ishaq-dar-and-imf.jpg)
وفاقی وزیر خزانہ اسحاق ڈار کا کہنا ہے کہ پاکستان مخالف عناصر بدنیتی پر مبنی افواہیں پھیلا رہے ہیں کہ پاکستان دیوالیہ ہو سکتا ہے تاہم اس میں کوئی حقیقت نہیں ہے ۔
وفاقی وزیر خزانہ اسحاق ڈار نے پاکستان کے دیوالیہ ہونے کی خبروں کو بدنیتی پر مبنی افواہ قرار دیتے ہوئے کہا کہ ملک کے ڈیفالٹ خبریں سراسر جھوٹ ہے۔
یہ بھی پڑھیے
ڈالر اور سونے کی قیمتیں آسمانوں پر؛ ڈالر19 روپے مہنگا، فی تولہ سونا 2 لاکھ 7 ہزار کا ہوگیا
اسحاق ڈار نے اپنے آفیشل ٹوئٹر اکاؤنٹ سے ایک پیغام میں کہا کہ اگلے ہفتے انٹرنیشنل مانیٹری فنڈ (آئی ایم ایف) سے اسٹاف لیول معاہدہ طے پا جائے گا۔
Anti-Pakistan elements are spreading malicious rumors that Pakistan may default. This is not only completely false but also belie the facts. SBP forex reserves have been increasing and are almost
US $ 1 billion higher than four weeks ago despite making all external… 1/2— Ishaq Dar (@MIshaqDar50) March 2, 2023
وزیر خزانہ نے دعویٰ کیا کہ پاکستان اور آئی ایم ایف کےدرمیان آج سے ورچوئل مذاکرات دوبارہ شروع ہوں گے،اگلے ہفتے تک معاہدے طے ہوجائے گا ۔
انہوں نے کہا کہ آئی ایم ایف کے ساتھ ہمارے مذاکرات مکمل ہونے والے ہیں اور ہم اگلے ہفتے تک اسٹاف لیول کے معاہدے پر دستخط کرنے کی توقع رکھتے ہیں۔
اسحاق ڈار نے کہا کہ تمام بیرونی واجبات وقت پر ادا کرنے کے باوجود چار ہفتے پہلے کے مقابلے میں زرمبادلہ کے ذخائر ایک ارب ڈالر سے زیادہ ہیں۔
وفاقی وزیر خزانہ اسحاق ڈار کا کہنا تھا کہ تمام اقتصادی اشاریے آہستہ آہستہ درست سمت میں بڑھ رہے ہیں اور آئی ایم ایف سے ورچوئل مذاکرات بھی جاری ہیں ۔
اس سے قبل وزیر خزانہ محمد اسحاق ڈار سے پولینڈ کے سفیر نے ملاقات کی۔ وزیرخزانہ نے پاکستان میں توانائی کے شعبے میں پولینڈ کی سرمایہ کاری کو سراہا۔
ملاقات کے دوران گفتگو کرتے ہوئے وزیر خزانہ اسحاق ڈار نے کہا کہ پاکستان پولینڈ کے ساتھ دو طرفہ تعلقات کو انتہائی اہمیت دیتا ہے۔