پاکستانی معیشت کیلیے اچھی خبر، چین نے 2 ارب ڈالر قرض کی ادائیگی موخر کردی
اسی ماہ چین سے مزید 30 کروڑ ڈالر آنے کےبعد اسٹیٹ بینک کے خالص زرمبادلہ کے ذخائر 5 ارب ڈالر سے تجاوز کرنے کی امید ہے، آئی ایم ایف سے معاہدے کیلئے ایکسٹرنل فنانسنگ کی تصدیق ضروری ہے
آئی ایم ایف کے ساتھ اسٹاف لیول معاہدے کی جانب اہم پیش رفت ہوئی ہے اور چین نے پاکستان کے ذمہ واجب الادا 2 ارب ڈالر کا قرض رول اوور کر دیا۔
اسی ماہ چین سے مزید 30 کروڑ ڈالر آنے کےبعد اسٹیٹ بینک کے خالص زرمبادلہ کے ذخائر 5 ارب ڈالر سے تجاوز کرنے کی امید ہے۔
یہ بھی پڑھیے
آئی ایم ایف نے اسحاق ڈار کی وزارت خزانہ کے ایک اور جھوٹ کا پول کھول دیا
آئی ایم ایف کے اعتراض کے باوجود حکومت پیٹرول پر سبسڈی دینے پر بضد
ذرائع وزارت خزانہ کے مطابق چین نے 2ارب ڈالر کے سیف ڈیپازٹس کی واپسی ایک سال کیلئے موخر کی ہے۔ اس طرح اسٹیٹ بینک کے زرمبادلہ کے ذخائر مستحکم ہوئے ہیں۔
ذرائع کے مطابق سعودی عرب اور متحدہ عرب امارات امارات کی جانب سے فنانسنگ کی امید ہے۔ آئی ایم ایف سے معاہدے کیلئے ایکسٹرنل فنانسنگ کی تصدیق ضروری ہے، اسی ماہ چین سے مزید 30 کروڑ ڈالر بھی پاکستان آنے ہیں، اسی ماہ زرمبادلہ کے ذخائر 5 ارب ڈالر سے تجاوز کرنے کی امید ہے۔
واضح رہے کہ پاکستان کو آئی ایم ایف سے پروگرام کی بحالی کے لیے دوست ملکوں سے کم از کم 5 ارب ڈالر کی فنڈنگ کی ضرورت ہے۔
