نادیہ خان نے بائیکاٹ کے باوجود نادر علی کے شو میں آنے کی وجہ بتادی

پاکستان شوبز انڈسٹری کی معروف اداکارہ اور مارننگ شوز کی میزبان  نادیہ خان نے بائیکاٹ کے اعلان کے باوجود نادر علی کے پوڈکاسٹ میں شرکت کی وجہ بتادی۔

پوڈکاسٹ میں دوران انٹرویو میزبان نادر علی نے نادیہ خان سے سوال کیا کہ”آپ میرے بارے میں کیا سوچ رہی ہیں؟ کیا میں مہمان کی بے عزتی کرتا ہوں“۔

یہ بھی پڑھیے

خاتون نے شادی شدہ خواتین کی جسامت کا مذاق اڑانے پر نادر علی کو آڑے ہاتھوں لے لیا

سابق شوہر نے ٹھنڈا کھانا دینے پر سر پر فرائی پین دے مارا تھا، کومل رضوی

نادیہ خان نے  کہا کہ” بعض اوقات انٹرویوز بہت اچھے ہوتے ہیں لیکن پروگرام کی کچھ چیزیں وائرل ہو جاتی ہیں جس سے مہمان کا کردار خراب ہوتا ہے اور انٹرویو کوئی نہیں دیکھتا، اسی وجہ سے مجھے لگتا ہے کچھ چیزیں کبھی نہیں کہنی چاہیے“۔

نادیہ خان کے استفسار پر نادر علی نے وضاحت پیش کی کہ ”اگر کوئی مہمان کوئی بیان دیتا ہے تو یہ میزبان کا فرض ہوتا ہے کہ اسے عوام تک پہنچائے اور ویسا ہی پہنچائے جیسا وہ چاہتے ہیں“۔

نادیہ خان نے نادر علی کی وضاحت کے جواب میں کہا کہ” بعض اوقات پروگرام کی کچھ ایسی چیزیں ، کسی ایسے انسان کے بارے میں کہہ دی جاتی ہیں جو اس وقت موجود نہیں ہوتا یا پھر خواتین کے حوالے سے بیان بازی کی جاتی ہے جو نہیں ہونی چاہیئے، میری کچھ دوستوں کے بارے میں ایسی باتیں کی گئیں جو مجھے پتہ ہے کہ انہیں بری لگیں اور اگر آپ کی جگہ میں ہوتی تو ایسی باتوں کو ایڈٹ کردیتی“۔

نادیہ خان نے کہا کہ” پوڈکاسٹ میں آنا نہیں چاہتی تھی لیکن نادر علی کی ٹیم نے انہیں بہت مجبور کیا، پھر آپ نے بھی مجھ سے درخواست کی اس لئے مجھے انکار کرنا اچھا نہیں لگا اور مجھے لگتا ہے کہ شو کی متنازع ویڈیوز وائرل ہونے میں بلاگرز کا بہت بڑا ہاتھ ہے کیونکہ وہ پروگرام سے اپنی مرضی کا پیغام نکال کر اسے وائرل کردیتے ہیں“۔

یاد رہے کہ قبل ازیں حافظ احمد کے پوڈکاسٹ میں شرکت کے دوران گفتگو کرتے ہوئے نادیہ خان نے کہا تھا کہ وہ نادر علی کو انٹرویو دینا نہیں چاہتیں، حالانکہ اُن کی پوڈکاسٹ کی ٹیم بار بار شرکت کے لئے رابطہ کررہی ہے۔