زارا عابد لکس اسٹائل ایوارڈ کی بعد از مرگ بہترین ماڈل
ایوارڈ میں فلم، ٹی وی، فیشن اور میوزک کیٹیگریز کے فاتحین کی فہرست کا اعلان کر دیا گیا ہے۔
پاکستانی ماڈل زارا عابد کو لکس اسٹائل ایوارڈز میں بعد از مرگ بہترین ماڈل کے ایوارڈ سے نوازا گیا ہے۔
رواں سال کرونا کی عالمی وبا کرونا کے باعث لکس اسٹائل ایوارڈز ان پرسن کے بجائے آن لائن منعقد ہوئے۔ ایوارڈ میں فلم، ٹی وی، فیشن اور میوزک کیٹیگریز کے فاتحین کی فہرست کا اعلان کیا گیا ہے۔
پاکستان کی معروف ماڈل زارا عابد کو جو رواں سال 22 مئی کو ہونے والے پی آئی اے کے طیارے کے حادثے میں جاں بحق ہوگئی تھیں بعد از مرگ بہترین ماڈل کا ایوارڈ دیا گیا۔
ماڈل زارا عابد کے حوالے سے پہلے میڈیا پر یہ دعویٰ سامنے آیا تھا کہ وہ اس حادثے میں جاں بحق ہوگئی ہیں جس کی تصدیق ان کے میک اپ آرٹسٹ اکرم گوہر نے کی تھی۔
یہ بھی پڑھیے
عروہ حسین سماجی شعور بیدار کرنے میں پیش پیش
پاکستان کی فیشن انڈسٹری اپنی نمایاں ماڈل زارا عابد کی طیارے کے حادثے میں موت پر سوگوار ہو گئی تھی اور کئی ماڈلز اور اداکاروں نے اُن کی موت پر افسوس کا اظہار کیا تھا۔
ترکی کی معروف اداکارہ ایسرا بیلجک نے بھی تعزیت کی تھی۔
ان کے علاوہ معروف اداکار فیصل قریشی، عمران عباس، مہوش حیات، ہمایوں سعید، وجاہت رؤف، ماہرہ خان، صبا قمر، ایمان علی، فریحہ الطاف، دیپک پروانی، ایشل فیاض، حسن شہریار منور، ماورا حسین، ایجاز اسلم، عائشہ عمر، وہاب شاہ، ماریہ واسطی، احسن خان اور فاروق مینگل سیمت بے شمارافراد نے زارا عابد کی فیملی سے تعزیت کے ساتھ موت پر گہرے دکھ کا اظہار کیا تھا۔
Pia plane crash. Our fashion model Zara Abid on list of passengers. Im devastated. #allahkhair #piaplanecrash
— Frieha Altaf (@FriehaAltaf) May 22, 2020
So that was her last post … prayers for zara abid and all the other deceased in the plane crash … may Allah give them the highest place in jannat … remember all of them in your prayers #rip #restinpeace #restinheaven #zaraabid #banpia #pia #planecrash pic.twitter.com/yvnOdLkjNN
— aijaz aslam (@aijazz7) May 23, 2020
Praying our dear colleague #zaraabid is one of the survivors. Hoping and praying there are many more survivors. 🤲 #PIA #planecrash Allah have mercy upon us.
— Ayesha Omar (@ayesha_m_omar) May 22, 2020
لکس اسٹائل ایوارڈز میں دو لائف ٹائم اچیومنٹ ایوارڈ بھی دیئے گئے۔ ایوارڈ حاصل کرنے والوں میں ٹی وی میزبان، اداکار، شاعر، مصنف انورمقصود ہیں جبکہ دوسرے فوٹوجرنلسٹ ٹپوجویری ہیں۔
