دیپک پروانی لاہور پولیس کی کارکردگی سے متاثر

دیپک پروانی کا کہنا ہے کہ لاہور پولیس پیشہ ورانہ ہونے کے ساتھ نہایت با ادب ہے۔

معروف پاکستانی فیشن ڈیزائنر دیپک پروانی لاہور پولیس کے پیشہ ورانہ رویے سے متاثر ہوئے ہیں۔ انہوں نے اپنے ٹوئٹر اکاؤنٹ پر پنجاب پولیس کو بہترین ٹریننگ پر داد بھی دی ہے۔

فیشن ڈیزائنر دیپک پروانی کے مطابق انہیں لاہور میں واقع اپنے اسٹور سے متعلق کسی مسئلے کا سامنا ہوا تھا۔

انہوں نے کہا کہ وہ مسئلہ حل کرنے پر لاہور پولیس کے پیشہ ورانہ رویے سے بہت متاثر ہیں۔ لاہور پولیس نہایت شائستہ اور تربیت یافتہ ہے۔

یہ بھی پڑھیے

نوازالدین صدیقی فلم فیئر کے بہترین اداکار

دیپک پروانی نے ڈی ایس پی شہزاد رفیق کا شکریہ بھی ادا کیا۔

اس سے قبل لاہور پولیس کے سربراہ عمر شیخ خواتین کے بارے میں اپنے بیانات کے باعث شدید تنقید کا نشانہ بنے رہے۔ لیکن اب دیپک پروانی جن کا تعلق سندھ سے ہے انہوں نے لاہور پولیس کے بارے میں مثبت رائے کا اظہار کیا ہے۔

اس عمل سے بین الصوبائی تعلقات میں ہم آہنگی کی فضاء قائم ہورہی ہے۔ اِس سے قبل علی ظفر نے سندھی گانا الے گایا تھا جس پر اُنہیں سراہا گیا تھا۔

متعلقہ تحاریر