سمیع خان، یشما گل اور زارا نور کی منفرد تشہیری مہم
تینوں اداکاروں نے ایک ہی دن وقفے وقفے سے ڈرامے کے سیٹ پر لی گئی تصاویر انسٹاگرام پر شیئر کیں اور ایک دوسرے کو ٹیگ کیا۔
پاکستان کی ڈرامہ انڈسٹری کے 3 بہترین اداکار جلد ہی ٹی وی پر ایک ساتھ نظر آئیں گے۔ ڈرامہ ‘پھانس’ کی تشہیر کے لیے سمیع خان، زارا نور اور یشما گل نے منفرد انداز اپنایا جسے مداحوں نے بےحد پسند کیا۔
کچھ عرصے پہلے تک ٹی وی ڈراموں کے نشر ہونے سے قبل ان کے ٹائٹل سانگ اور ٹریلر سوشل میڈیا پر شیئر کیے جاتے تھے۔ لیکن اب پاکستانی ڈرامہ انڈسٹری کے اداکار بھی اپنے ڈراموں کی تشہیر کے لیے ڈیجیٹل پلٹ فارم کو ترجیح دینے لگے ہیں۔ اداکار سمیع خان، یشما گل اور زارا نور عباس نے اپنے نئے ڈرامے ‘پھانس’ کی تشہیر فوٹو شیئرنگ ایپ انسٹاگرام پر کی ہے۔
تینوں اداکاروں نے ڈرامے کے سیٹ پر لی گئی تصاویر شیئر کی ہیں۔ سب سے پہلے سمیع خان نے تصویر شیئر کرتے ہوئے لکھا ‘تین سپاہی’۔ تصویر پر زارا نور نے تبصرہ کیا ‘ فیورٹس’۔ یشما گل بھی پیچھے نہ رہیں اور تبصرے میں زارا کو ڈرمے کے کردار کے نام ‘زیبا’ سے مخاطب کیا۔
View this post on Instagram
کچھ ہی دیر بعد یشما گل نے بھی اپنی انسٹا پوسٹ لگائی جس پر لکھا ‘ تین سپاہیوں کا دوسرا حصہ‘۔ تصویر میں زارا نور، سمیع خان اور یشما گل کے درمیان بیٹھی دکھائی دیں۔ اداکارہ نے سمیع خان اور زارا نور کو ڈرامے کے کرداروں کے نام سے پکارا۔ سوالیہ انداز میں لکھا کہ صمد ، زیبا کیوں ہمارے درمیان آجاتی ہے؟ یشما کی پوسٹ کو دونوں اداکاروں نے لائیک کیا۔
View this post on Instagram
یہ بھی پڑھیے
فہد مصطفیٰ پر صنفی منافرت کو بڑھاوا دینے پر تنقید؟
اس کے بعد زارا نور نے بھی اپنے انسٹا اکاؤنٹ سے ڈرامہ پھانس کے سیٹ پر لی گئی تصویر پوسٹ کی۔ جس پر یشما نے ان کی تعریف کرتے ہوئے انہیں پیاری کہا جبکہ سمیع خان نے بھی پسندیدگی کا اظہار کیا۔
View this post on Instagram
تینوں اداکاروں نے وقفے وقفے سے انسٹاگرام پوسٹ کے ذریعے اپنے نئے ڈرامے کو پروموٹ کیا۔ تشہیر کا یہ انداز اب تک کسی ڈرامہ ٹیم نے نہیں اپنایا۔ مداحوں کی بڑی تعداد نے اس انوکھی تشہیری مہم کو پسند کیا اور ہزاروں لائیکس بھیجے۔ ممکن ہے کہ مستقبل میں دیگر فنکار بھی اسی روش پر چل پڑیں۔
