کنگنا رناوت متنازع بیانات کے باعث پھر پھنس گئیں

بالی ووڈ میں خبروں میں رہنے والی اداکارہ کنگنا رناوت متنازع بیانات کے باعث کسی نہ کسی تنازعے کا شکار رہتی ہیں۔ اس مرتبہ اداکارہ نے سیف علی خان کی نئی ویب سیریز تانڈو پر اعتراض کیا تو ان کا ٹوئٹر اکاؤنٹ بلاک کردیا گیا۔ اِس کے علاوہ انڈین شاعر جاوید اختر کی جانب سے اداکارہ پر دائر کردہ مقدمے میں بھی انہیں طلب کرلیا گیا۔

انڈین اداکارہ کنگنا رناوت متنازع موضوعات پر اپنے تلخ تجربات کا اظہار کرتی رہتی ہیں لیکن کبھی کبھار بےجا مخالفت مہنگی بھی پڑجاتی ہے۔ انڈین ویب سیریز تانڈو پرہندو انتہا پسندوں کی برہمی کے بعد کنگنا بھی ٹوئٹر پرمخالفت میں نکل آئیں لیکن انہیں لینے کے دینے پڑگئے۔

سماجی رابطوں کی ویب سائٹ ٹوئٹر پراداکارہ نے پیغام میں لکھا کہ سیریز میں ہندودیوتاؤں کی توہین کرنے پر ذمہ داران کے خلاف آواز اٹھانے کا وقت آگیا ہے۔ کنگنا کے اس بیان پر سیریز کے بنانے والوں نے اداکارہ کا ٹوئٹر اکاؤنٹ معطل کرنے کا مطالبہ کردیا۔ ٹوئٹر انتظامیہ نے بھی فوری ایکشن لیتے ہوئے کنگنا رناوت کا ٹوئٹر ہینڈل عارضی طور پر بند کردیا ہے۔ ٹوئٹس ڈلیٹ کیے جانے کے بعد اُن کا اکاؤنٹ بحال کر دیا گیا۔ جس پر اداکارہ غصے سے آگ بگولا ہوگئیں اور مذید ٹوئٹس میں ٹوئٹر کے سی ای او جیک ڈورسی کو بھی لپیٹ میں لے لیا۔

Librus cried to their chacha @jack and got my account temporarily restricted, they are threatening me mera account/virtual identity kabhi bhi desh keliye shaheed ho sakti hai,magar my reloaded desh bhakt version will reappear through my movies.Tumhara jeena dushwar karke rahungi.

— Kangana Ranaut (@KanganaTeam) January 20, 2021

کنگنا رناوت نے ٹوئٹرپیغام میں لکھا کہ مخالفین ‘چچا جیک’ کے پاس رونے پہنچ گئے تھے۔ کنگنا نے موقف اختیار کیا کہ ان کا اکاؤنٹ ملک کے لیے کبھی بھی شہید ہوسکتا ہے مگر وہ فلموں کے ذریعے حب الوطنی کا اظہار کرنے کے ساتھ ساتھ سب کا جینا دشوار کردیں گی۔

یہ بھی پڑھیے

ہندوانتہا پسند سیف علی خان سے پھر ناراض

گزشتہ روز اداکارہ نے دوبارہ اپنے مخالفین کے خلاف ٹوئٹ کردیا۔ ٹوئٹر انتظامیہ کی جانب سے موقف اختیار کیا گیا ہے کہ وہ ٹوئٹر قوانین کی پاسداری نہ کرنے والے کسی بھی صارف کے خلاف ایکشن لے سکتے ہیں۔

Whole libru lobby is desperate to get my account suspended, Raat ko kehte honge, so ja nahin to Kangana tweet kar degi,this is the effect of Kangana Ranaut on the strongest lobby in this nation. Jo political parties ko hila dete hain maine unko hila diya.Ha ha good night friends.

— Kangana Ranaut (@KanganaTeam) January 20, 2021

دوسری جانب کنگنا رناوت کو عدالت نے بھی طلب کرلیا ہے۔ معروف انڈین شاعر جاوید اختر کی جانب سے نومبر میں اداکارہ کے خلاف ہتک عزت کا مقدمہ درج کرایا گیا تھا جس کی سماعت کے لیے عدالت نے انہیں طلب کیا ہے۔ نوٹس میں اداکارہ کو تنبیہ کی گئی ہے کہ اگر وہ خود سے عدالت نا پہنچیں تو جمعے کو ان کے گھر پولیس بھجوائی جائے گی۔

عدالتی نوٹس کے بعد بھی کنگنا رناوت بعض نا آئیں اور تازہ ٹوئٹ میں طنزیہ انداز میں لکھا کہ آج ان کے خلاف ایک اور نوٹس آگیا اب تو جیل میں ڈال دیا جائے اور 500 مقدمات بھی درج کرلیے جائیں۔