حسن شہریار یاسین پہلی سی محبت میں چھاگئے
شائقین حسن شہریار کی اداکاری کے ایسے دیوانے ہوئے کہ ہیرو اور ہیروین کو نظرانداز کردیا۔
![حسن شہریار اداکاری](https://news360.tv/wp-content/uploads/2021/01/حسن-شہریار.jpg)
پاکستان کے مشہور و معروف ڈیزائنر حسن شہریار یاسین (ایچ ایس وائے) اداکاری کے میدان میں قدم رکھتے ہی چھاگئے۔ سوشل میڈیا پر مداحوں نے تعریفوں کے ایسے پل باندھے کہ ہیرو ہیروین کو بھول گئے۔
وہ آیا، اس نے دیکھا اور چھاگیا۔ یہ بات ان دنوں حسن شہریار یاسین کے لیے کہی جاسکتی ہے ۔ ایچ ایس وائے اپنے ڈیزائن کردہ ملبوسات کے باعث فیشن اور ٹی وی انڈسٹری میں بےحد مقبول ہیں لیکن اب ٹی وی ڈیبیو نے ان کی شہرت میں مزید اضافہ کردیا ہے۔
حسن شہریار یاسین ان دنوں پاکستانی ڈرامہ سیریل پہلی سی محبت میں اداکاری کے جوہر دکھا رہے ہیں۔ ڈرامے کی پہلی قسط نشر ہونے کے ساتھ ہی سوشل میڈیا پر ایچ ایس وائے کے مداحوں نے ان کی داد دینا شروع کردی۔
@HSYCOUTUREKING stole all the spotlight form sheheryar Munawar love his urdu accent 😍 💕 ❤ in#PehliSiMuhabbat
— Haris Akhtar Raja (@HarisAkhtarRaj1) January 23, 2021
سوشل میڈیا ایکٹیوسٹ اور بلاگر مہوش اعجاز نے سماجی رابطوں کی ویب سائٹ ٹوئٹر پر ایچ ایس وائے کی اداکاری کی تعریف کی۔
Darn who knew @HSYCOUTUREKING could act so well. Loved Sherry & Maya’s pairing in PHL & it’s working here too, so far. Full review up soon. #PehliSIMuhabbat
— Mahwash Ajaz 🇵🇰 (@mahwashajaz_) January 23, 2021
شائقین ڈرامے میں حسن شہریار کی اداکاری کے ایسے دیوانے ہوئے کہ ہیرو شہریار منور اور ہیروین مایا علی کو بھی بھول گئے۔
شہریار منور کا شمار پاکستان کی فلم اور ٹی وی انڈسٹری کے باصلاحیت اداکاروں میں ہوتا ہے ۔ اسی طرح مایا علی بھی متعدد ڈراموں اور فلموں میں کام کرچکی ہیں۔
یہ بھی پڑھیے
حسن شہریار ٹی وی ڈیبیو کے لیے تیار
معروف ڈیزائنر نے اپنے پہلے ڈرامے کی پہلی قسط ٹیم کے ہمراہ سیٹ پر دیکھی جس کی تصویر ٹوئٹر پر مداحوں کے ساتھ شیئر بھی کی۔
Watching the first episode on set together with @mayaali07 and @ItsSheheryar. We watched it together with the entire amazing crew and our director Anjum and DOP Shayan. Best feeling ever to be all together as on. #pehlisimuhabbat pic.twitter.com/noiQPnYnMr
— Hassan Sheheryar (@HSYCOUTUREKING) January 24, 2021
حیران کن بات یہ ہے کہ شائقین کو نہ تو ڈرامے کے مرکزی کرداروں نے متوجہ کیا نہ ہی کہانی نے، اگر کسی نے اپنی جانب توجہ دلائی تو وہ تھے صرف حسن شہریار یاسین ۔