صنم سعید کیا کرنے جارہی ہیں؟

پاکستان کی معروف ماڈل، اداکارہ اور گلوگارہ صنم سعید اب کچھ نیا کرنے جارہی ہیں۔ سوشل میڈیا پر جاری پوسٹ میں صنم سعید نے پروڈکشن کی طرف جانے کا اشارہ دے دیا۔

صنم سعید کا شمار ٹی وی انڈسٹری کی ان اداکاراؤں میں ہوتا ہے جنہوں نے ہمشیہ منفرد کام کیا اور سراہی گئیں۔ سپر ہٹ ڈرامہ سیریل زندگی گلزار ہے کی اداکارہ اس مرتبہ بھی شاید کچھ الگ کرنے جارہی ہیں۔ صنم نے سماجی رابطوں کی ویب سائٹ ٹوئٹر پر ایک پوسٹ شیئر کی جس میں انہوں نے صارفین کی ڈراموں سے متعلق رائے جاننے کی کوشش کی۔ اداکارہ نے مداحوں سے پوچھا کہ وہ ڈراموں میں کس قسم کی کہانیاں دیکھنا پسند کرتے ہیں؟ کونسے موضوعات ہیں جن پر فلمیں اور ڈرامے بننے چاہییں؟

اداکارہ کی اس پوسٹ پر صارفین نے مختلف جوابات تحریر کیے۔ کسی نے لکھا کہ پراسرار، سنسنی خیز اور معاشرتی مسائل کو اجاگر کرتے موضاعات پر ڈرامے بننے چاہییں۔

Something different….mysterious, political thriller, social issues, comedy, historical….matlab hr drama different ho…different story line without rona dhona and mazloom auratein….strong female characters

— Bakhtawar Khan Jatoi (@bakhtawar_jatoi) January 27, 2021

ایک صارف نے مشہور ترک سیریز ارطغرل غازی کی مثال دیتے ہوئے کہا کہ اس قسم کے موضوعات کو بھی زیر بحث لانا چاہیئے۔

Starting from Religion as Ertugrul has proved that it works and its entertaining. Also we need to show more patriotic content followed by social issues such as rape, child abbuse and child abduction etc. Hope to see more of this on television.

— Atif Rehman (@Atifrehman110) January 27, 2021

زیادہ تر صارفین نے ڈاموں میں شادی، طلاق اور عورت پر تشدد کے موضوعات پر بننے والے ڈراموں پر ناپسندیدگی کا اظہار کیا۔

Informative stuff! Something other than affairs, marriages, saas-bahu rivalry, cliched love stories. Perhaps something historical, investigative, technology-driven, etc. But at the same time not abandoning our practice of making classics like Zindagi Gulzar hai or Humsafar etc.

— Ramisha Ali (@ramishaali_) January 27, 2021

 صنم سعید کی اس ٹوئٹر پوسٹ سے بظاہر ایسا لگ رہا ہے کہ وہ اب اداکاری سے نکل کر پروڈکشن کے میدان میں قدم رکھنے جارہی ہیں۔ تاہم، اس بارے میں اداکارہ نے اب تک کوئی اعلان نہیں کیا ہے۔

یہ بھی پڑھیے

نجی زندگی پر تبصروں سے پاکستانی فنکار پریشان

واضح رہے کہ صنم سعید اپنی نجی زندگی کے بارے میں بھی کافی مختلف انداز سے سوچتی ہیں۔ کچھ عرصہ قبل انہوں نے اپنی شادی کی ناکامی کا ذمہ دار بھی خود کو قرار دیا۔ یہ بات ان کی شخصیت میں چھپے بہادری کے پہلو کو ظاہر کرتی ہے۔