ککری گراؤنڈ میں بختاور بھٹو کی شادی کا جشن

پاکستان کی سابق وزیر اعظم محترمہ بےنظیر بھٹو اور سابق صدر آصف علی زرداری کی بڑی صاحبزادی بختاور بھٹو زرداری کی شادی بلاول ہاؤس میں ہوئی لیکن جشن لیاری میں بھی ہوا، ککری گراؤنڈ میں جیالوں نے میلہ لگایا۔

33 سال بعد ککری گراؤنڈ میں تاریخ دہرائی گئی ہے۔ لیاری کے جیالوں نے بختاور بھٹو کی شادی کا جشن مناکر ایک مرتبہ پھر بےنظیر بھٹو شہید سے اپنی محبت کا اظہار کیا ہے۔ یہ کہا جائے کہ بختاور کی شادی نے جیالوں کو بے نظیر کی شادی یاد دلادی تو غلط نہ ہوگا۔ بے نظیر بھٹو کی آصف زرداری سے شادی 1987 میں ہوئی تھی اور وہ ککری گراؤنڈ میں دلہن بن کر آئی تھیں۔ اب ان کی صاحبزادی ککری گراؤنڈ تو نہیں آئیں لیکن لیاری کے جیالوں نے ان کی شادی کی خوشی بھرپور انداز میں منائی۔

پیپلز پارٹی کی خواتین کارکنان نے باقاعدہ رسم حنا کا اہتمام کیا۔ خواتین گروہ کی صورت میں مہندی لے کر ککری گراؤنڈ پہنچیں، ڈانڈیا کھیلا اور مختلف رسمیں بھی کی گئیں۔ تصاویر سماجی رابطوں کی ویب سائٹ ٹوئٹر پر شیئر کی گئیں۔

Rasm – e – Hina of Bibi @BakhtawarBZ at Kakri Ground Lyari by women wing its the same ground where Shaheed Muhtarma Benazir Bhutto got married with President Asif Ali Zardari. #CongratsBakhtawarBZ pic.twitter.com/DST3ppbOYq

— AB Raees (@A_B_Raees) January 31, 2021

یہی نہیں ککری گراؤنڈ میں باقاعدہ اسٹیج تیار کیا گیا، گلوکاروں سمیت مختلف فنکاروں نے پرفارمنسز پیش کیں۔ بلوچی رقص لیوا کا مظاہرہ بھی کیا گیا۔ لوگوں کی بڑی تعداد نے اس تقریب میں شرکت کی۔ ویڈیوز سوشل میڈیا پر وائرل ہوگئیں۔

"Balochi Leva ” By people of Lyari for the celebration of Bibi @BakhtawarBZ wedding at Kakri ground Lyari.@BBhuttoZardari @AseefaBZ @ShaziaAttaMarri @Anny_Marri pic.twitter.com/8dlKXIUpet

— AB Raees (@A_B_Raees) January 31, 2021

یہ بھی پڑھیے

بختاور بھٹو کا نکاح کل ہوا رخصتی آج ہوگی

ممبر صوبائی اسمبلی شازیہ کریم نے ٹوئٹر پر تقریب کی ویڈیو شیئر کرتے ہوئے جیالوں اور لیاری کا شکریہ ادا کیا۔

History Repeated Once again, People of #Lyari celebrated the Wedding of Bakhtawar and restored the Era of Love.

Thank You Lyari & Jiyalas ❤❤❤#BakhtawarBhuttowedding pic.twitter.com/UViIZUSqbT

— MPA Shazia Karim Sang’haar (@SanghaarShazia) January 30, 2021

واضح رہے کہ بختاور بھٹو کی شادی محمود چوہدری کے ساتھ 30 جنوری کو بلاول ہاؤس میں ہوئی تھی ۔ محمود چوہدری کا تعلق لاہور سے ہے۔ انہوں نے ابتدائی تعلیم ابوظہبی اور برطانیہ میں جبکہ یونیورسٹی آف ڈرہم سے قانون کی تعلیم حاصل کی ہے۔