امیتابھ بچن کی نواسی جاوید جعفری کے بیٹے کی محبت میں مبتلا
نویا نویلی نندا کئی مرتبہ اقرار کر چکی ہیں کہ اُن کے اور میزان جعفری کے درمیان اچھی دوستی ہے۔
بالی ووڈ کے نامور اداکار امیتابھ بچن کی نواسی نویا نویلی نندا مسلمان اداکار جاوید جعفری کے بیٹے میزان جعفری کی محبت میں مبتلا ہوگئی ہیں۔
بابا بھلے شاہ کے کلام کا مصرعہ ‘ ذات مذہب ایہہ عشقَ نہ پچھدا، عشقَ شرع دا ویری’ بالی ووڈ میں حقیقت کی صورت میں نظر آرہا ہے۔ نویا نویلی نندا کا تعلق ایک ہندو گھرانے سے ہے جبکہ میزان جعفری ایک مسلم خاندان سے تعلق رکھتے ہیں۔ دونوں خاندانوں میں بالی ووڈ کی مشہور شخصیات موجود ہیں۔ نویا کے نانا بالی ووڈ کے چوٹی کے اداکاروں میں شامل ہیں۔ جبکہ میزان جعفری مشہور اداکارہ سید اشتیاق احمد جعفری (جن کا فلمی نام جان جگدیپ تھا) کے پوتے اور جاوید جعفری کے بیٹے ہیں۔
‘بِگ بی’ کے نام سے مشہور فلم انڈسٹری کے بےتاج بادشاہ امیتابھ بچن کو اپنی نواسی نویا نویلی نندا سے خاصی محبت ہے۔ نانا اور نواسی اکثر و بیشتر تقریبات اور دیگر مقامات پر ایک ساتھ نظر آتے رہتے ہیں۔
View this post on Instagram
نویا نویلی نندا کے میزان جعفری کی محبت میں مبتلا ہونے کے چرچے عام ہیں تاہم نویا کئی مرتبہ یہ اقرار کر چکی ہیں کہ اُن کے اور میزان جعفری کے درمیان اچھی دوستی ہے۔ میزان جعفری نے مشہور ہدایت کار سنجے لیلا بھنسالی کی فلم ‘ملال’ سے فلم انڈسٹری میں قدم رکھا تھا اور فلم میں بہترین اداکاری کا مظاہرہ کرنے پر انہیں ایوارڈ سے بھی نوازا گیا تھا۔
View this post on Instagram
میزان جعفری نے جب ایوارڈ کے ساتھ تصویر پوسٹ کی تو نہ صرف اس پر نویا نے تبصرہ کیا بلکہ اپنے انسٹاگرام اکاؤنٹ پر میزان کی اسٹوری لگا کر مبارکبار بھی دی۔
دسمبر 2020 میں نویا نے ایک تصویر شیئر کی تھی جس میں انہوں نے اپنے بالوں سے چہرے کو ڈھانپ رکھا تھا۔ اس تصویر پر میزان جعفری نے محبت اور دِل والے ایموجیز کے ساتھ تبصرہ کیا کہ ‘کیا آپ اپنا چہرہ دکھا سکتی ہیں؟’
View this post on Instagram
حال ہی میں انڈیا کے ای ٹی وی کو انٹرویو کے دوران جب نویا سے میزان کے ساتھ تعلق کے بارے میں سوال کیا گیا تو نویا نے کہا کہ ‘فرینڈشپ کا بھی ایک ریلیشن شپ ہوتا ہے اور ہم دوست ہیں۔’
یہ بھی پڑھیے
امیتابھ بچن اپنی پوتی کے ساتھ گانا گائیں گے؟
سوشل میڈیا پر ایک بار پھر نویا نویلی نندا اور میزان جعفری کے درمیان قریبی تعلقات کی خبریں گردش کرنے لگی ہیں۔ ادھر میزان جعفری اِن دنوں اپنی دوسری فلم ‘ہنگامہ 2’ کی شوٹنگ میں مصروف ہیں۔
