عامر لیاقت ’فنکاری‘ کے بعد ’اداکاری‘ بھی کریں گے
معروف اینکر پرسن مزاحیہ ٹیلی فلم بس کرونا سے اپنا ایکٹنگ ڈیبیو کریں گے۔
پاکستان تحریک انصاف (پی ٹی آئی) کے ممبر قومی اسمبلی اور معروف اینکر پرسن عامر لیاقت حسین نے اداکاری کے میدان میں قدم رکھ دیا ہے۔ وہ ٹیلی فلم بس کرونا میں اداکاری کے جوہر دکھائیں گے۔
عامر لیاقت حسین اپنی رنگین شخصیت کے باعث اکثر خبروں میں رہتے ہیں۔ اس مرتبہ بھی انہوں نے اچانک میزبانی سے اداکاری کے میدان میں قدم رکھ کرشائقین کو چونکا دیا ہے۔ رمضان ٹرانسمیشن میں اپنی مذہبی گفتگو، گیم شو انعام گھر میں معلوماتی اور مزاحیہ گفتگو اور حالات حاضرہ کے پروگرام ایسے نہیں چلے گا میں سیاسی گفتگو سے لوگوں کی توجہ اپنی جانب مبزول رکھنے والے عامر لیاقت مزاحیہ ٹیلی فلم بس کرونا میں اپنی اداکاری سے مداحوں کے چہروں پر مسکراہٹ بکھیرئیں گے۔
عامر لیاقت نے اپنے ایکٹنگ ڈیبیو کا اعلان خود سوشل میڈیا پر کیا۔ فوٹو شیئرنگ ایپ انسٹاگرام پر ٹیلی فلم کے سیٹ پر لی گئی تصاویر شیئر کردیں۔
View this post on Instagram
رکن قومی اسمبلی نے پوسٹ پر تبصرے میں بتایا کہ بس کرونا گولڈ برج میڈیا کے بینر تلے بنائی جارہی ہے۔ جلد ایکسپریس ٹی وی پر نشر ہوگی۔
View this post on Instagram
View this post on Instagram
یہ بھی پڑھیے
طوبیٰ نے عامر لیاقت کی بشریٰ سے طلاق کرادی
یہاں یہ بات قابل ذکر ہے کہ عامر لیاقت ان دنوں ایک نئے ٹی وی شو عامر آن لائن میں میزبانی کے فرائض بھی انجام دے رہے ہیں۔
عامر لیاقت کی اہلیہ طوبٰی عامر بھی اداکاری کا آغاز کرچکی ہیں۔ اپنے پہلے ڈرامے بھڑاس میں مینا کا کردار نبھا رہی ہیں۔ پچھلے دنوں انہوں نے بھی سیٹ پر لی گئی تصاویر انسٹاگرام پر شیئر کی تھیں۔
View this post on Instagram
واضح رہے کہ عامر لیاقت کی سابقہ اہلیہ بشریٰ اقبال کا تعلق بھی میڈیا انڈسٹری سے ہے۔
